Kinnigoli ಹಲಸಿನ ಮರದಿಂದ ಬಿದ್ದು ವ್ಯಕ್ತಿ ಸಾವು

ಕಿನ್ನಿಗೋಳಿ: ಮೂಲ್ಕಿ ಪೊಲೀಸ್‌ ಠಾಣೆ ವ್ಯಾಪ್ತಿಯ ಕಿನ್ನಿಗೋಳಿ ಸಮೀಪದ ಮೆನ್ನಬೆಟ್ಟು ಉಲ್ಲಂಜೆ ಕಾಪಿಕಾಡು ಬಳಿ ತೋಟದಿಂದ ಹಲಸಿನ ಕಾಯಿ ಕೊಯ್ಯಲು ಹೋದ ವ್ಯಕ್ತಿ ಮರದಿಂದ ಆಯತಪ್ಪಿ ಕೆಳಗೆ ಬಿದ್ದು ಸಾವನ್ನಪ್ಪಿದ್ದಾರೆ.

ಕಾರ್ಕಳ ಕಾಂತಾವರ ಬೇಲಾಡಿ ನಿವಾಸಿ ಅನಿಲ್‌ ಲೋಬೊ (42) ಮೃತಪಟ್ಟವರು. ಅವರು ತಾಯಿಯ ಸಹೋದರಿಯ ಆರೋಗ್ಯ ನೋಡಿಕೊಳ್ಳಲೆಂದು ಮೂರು ವರ್ಷಗಳ ಹಿಂದೆ ಕಾಂತಾವರ ಬೇಲಾಡಿಯಿಂದ ಕಿನ್ನಿಗೋಳಿಯ ಕಾಪಿಕಾಡು ದೊಡ್ಡಮ್ಮನ ಮನೆಯಲ್ಲಿ ವಾಸವಾಗಿದ್ದರು. ಸ್ಥಳಕ್ಕೆ ಮೂಲ್ಕಿ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.