ಕೇವಲ 6 ಕಿ.ಮೀ. ಸಂಚಾರಕ್ಕೆ ಊಬರ್‌ ಶುಲ್ಕ ವಿಧಿಸಿದ್ದು ಬರೋಬ್ಬರಿ 32 ಲಕ್ಷ ರೂ.!

ಲಂಡನ್‌: ಬ್ರಿಟನ್‌ನ ಆಲಿವರ್‌ ಇತ್ತೀಚೆಗೆ ಆಫೀಸಿನ ಕೆಲಸ ಮುಗಿಸಿ, ಊಬರ್‌ ಕ್ಯಾಬ್‌ ಬುಕ್‌ ಮಾಡಿಕೊಂಡು ಪಬ್‌ ಒಂದಕ್ಕೆ ತೆರಳಿದ್ದ. ಆಫೀಸಿನಿಂದ ಪಬ್‌ ಕೇವಲ 6ಕಿ.ಮೀ ದೂರವಿತ್ತಾದರೂ ಊಬರ್‌ ಶುಲ್ಕ ವಿಧಿಸಿದ್ದು ಬರೋಬ್ಬರಿ 32 ಲಕ್ಷ ರೂ.!

ಹೌದು. ಪಬ್‌ನಲ್ಲಿ ಪಾರ್ಟಿ ಮಾಡಿದ ಆಲಿವರ್‌ಗೆ ಊಬರ್‌ 32 ಲಕ್ಷ ರೂ.ನ ಬಿಲ್‌ ಕಳುಹಿಸಿದೆ. ಈ ಬಗ್ಗೆ ಆತ ಸಂಸ್ಥೆಯನ್ನು ಪ್ರಶ್ನಿಸಿದಾಗ, “ಕ್ಷಮಿಸಿ, ನಿಮ್ಮ ಡೆಸ್ಟಿನೇಶನ್‌ ಅನ್ನು ನಮ್ಮ ಆ್ಯಪ್‌ ತಪ್ಪಾಗಿ 16,000 ಕಿ.ಮೀ. ದೂರದಲ್ಲಿರುವ ಆಸ್ಟ್ರೇಲಿಯಾವಾಗಿ ತೆಗೆದುಕೊಂಡಿದೆ.

ಹಾಗಾಗಿ ಈ ಶುಲ್ಕ ಬಂದಿದೆ. ನಿಮ್ಮ ನಿಜವಾದ ಶುಲ್ಕ 900 ರೂ.’ ಎಂದು ಸಂಸ್ಥೆ ಉತ್ತರಿಸಿದೆ. ಈ ವಿಚಾರ ಎಲ್ಲೆಡೆ ವೈರಲ್‌ ಆಗಿದೆ.