ದಿಲ್ಲಿಯಲ್ಲಿ ಎನ್‌ಕೌಂಟರ್‌: ಮಹಿಳೆಯೊಂದಿಗೆ ಖತರ್‌ನಾಕ್‌ ಕ್ರಿಮಿನಲ್‌ ಅರೆಸ್ಟ್‌

ಹೊಸದಿಲ್ಲಿ : ವಾಯವ್ಯ ದಿಲ್ಲಿಯ ನೇತಾಜಿ ಸುಭಾಷ್‌ ಪ್ಲೇಸ್‌ ನಲ್ಲಿ ಇಂದು ಗುರುವಾರ ಬೆಳಗ್ಗೆ ಪೊಲೀಸರೊಂದಿಗೆ ಎನ್‌ಕೌಂಟರ್‌ ನಡೆದುದನ್ನು ಅನುಸರಿಸಿ 34 ವರ್ಷದ ವ್ಯಕ್ತಿಯನ್ನು ಆತನ ಮಹಿಳಾ ಸಹವರ್ತಿಯೊಂದಿಗೆ ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಅತ್ಯಂತ ಖತರ್‌ನಾಕ್‌ ಕ್ರಿಮಿನಲ್‌ ಎನ್ನಲಾಗಿರುವ ಶ್ರೀಕಾಂತ್‌ ರೆಡ್ಡಿ ಗೆ ಪೊಲೀಸ್‌ ಎನ್‌ಕೌಂಟರ್‌ನಲ್ಲಿ ಎರಡು ಗುಂಡಿನ ಗಾಯಗಳಾಗಿವೆ. ವೈದ್ಯರು ತಿಳಿಸಿರುವ ಪ್ರಕಾರ ಈತನು ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.

ರೆಡ್ಡಿ ಜತೆ ಇದ್ದ ಮಹಿಳೆಯನ್ನು ಪೂಜಾ ಎಂದು ಗುರುತಿಸಲಾಗಿದೆ. ಖಚಿತ ಮಾಹಿತಿಯ ಪ್ರಕಾರ ರೆಡ್ಡಿ ಮತ್ತು ಪೂಜಾ ಳನ್ನು ನೇತಾಜಿ ಸುಭಾಷ್‌ ಪ್ಲೇಸ್‌ ನಲ್ಲಿ ಪೊಲೀಸರು ಮುಖಾಮುಖೀಯಾದರು.

ಪೊಲೀಸರಿಗೆ ಶರಣಾಗಲು ಇವರು ನಿರಾಕರಿಸಿದ್ದು ಮಾತ್ರವಲ್ಲದೆ ಪೊಲೀಸರ ಮೇಲೆ ಗುಂಡು ಹಾರಿಸಿದರು. ಆಗ ಪೊಲೀಸರು ಗುಂಡಿನ ಉತ್ತರ ನೀಡುವುದು ಅನಿವಾರ್ಯವಾಯಿತು ಎಂದು ವಾಯವ್ಯ ದಿಲ್ಲಿ ಡಿಸಿಪಿ ವೈಜಯಂತ್‌ ಆರ್ಯ ತಿಳಿಸಿದ್ದಾರೆ.