Malpe: ಸಮುದ್ರಕ್ಕೆ ಬಿದ್ದು ಮೀನುಗಾರ ಸಾವು

ಮಲ್ಪೆ: ಮೀನುಗಾರಿಕೆ ನಡೆಸುತ್ತಿರುವ ವೇಳೆ ಮೀನುಗಾರನೋರ್ವ ಬೋಟ್‌ನಿಂದ ಕಾಲು ಜಾರಿ ನೀರಿಗೆ ಬಿದ್ದು ಮೃತಪಟ್ಟಿರುವ ಘಟನೆ ಆ. 31ರಂದು ನಡೆದಿದೆ.

ಝಾರ್ಖಂಡ್‌ ಮೂಲದ ಮನೋಜ್‌ ಸನ್‌ (32) ಮೃತಪಟ್ಟವರು. ಸುಮಾರು ಎರಡು ನಾಟಿಕಲ್‌ ಮೈಲು ದೂರ ಸಮುದ್ರದಲ್ಲಿ ಮೀನುಗಾರಿಕೆ ನಡೆಸುವಾಗ ಬೋಟಿನಿಂದ ಕಾಲು ಜಾರಿ ಬಿದ್ದರು.

ತತ್‌ಕ್ಷಣ ಬೋಟಿನಲ್ಲಿದ್ದ ಕೀರ್ತನ್‌ ಎಂಬವರು ಸಮುದ್ರಕ್ಕೆ ಹಾರಿ ಅವರನ್ನು ಮೇಲಕ್ಕೆತ್ತಿದ್ದಾರೆ. ತೀವ್ರವಾಗಿ ಅಸ್ವಸ್ಥಗೊಂಡ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಅವರು ಆದಾಗಲೇ ಮೃತಪಟ್ಟಿದ್ದಾರೆಂದು ವೈದ್ಯರು ದೃಢಪಡಿಸಿದ್ದಾರೆ.

ಮಲ್ಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.