ಮಲ್ಲೇನಹಳ್ಳಿ ಬಿಂಡಿಗ ಬೆಟ್ಟದಲ್ಲಿ ದೇವಿರಮ್ಮ ದರ್ಶನ: ಸಿ.ಟಿ ರವಿ ಭೇಟಿ

ಚಿಕ್ಕಮಗಳೂರು: ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ಮಲ್ಲೇನಹಳ್ಳಿ ಬಿಂಡಿಗ ಬೆಟ್ಟವೇರಿ ಭಕ್ತರು ದೇವಿರಮ್ಮ ದರ್ಶನ ಪಡೆದುಕೊಂಡರು.

ಮುಂಜಾನೆ 3 ಗಂಟೆಯಿಂದ ಭಕ್ತರು ಬರಲಾರಂಭಿಸಿದ್ದು, ಸಮುದ್ರ ಮಟ್ಟದಿಂದ ನಾಲ್ಕು ಸಾವಿರ ಅಡಿ ಎತ್ತರದ ಬೆಟ್ಟವೇರಿ ದೇವಿಯ ದರ್ಶನ ಪಡೆದುಕೊಂಡರು. ಪ್ರತಿವರ್ಷ 80 ಸಾವಿರಕ್ಕೂ ಹೆಚ್ಚಿನ ಜನರು ಕೊರಕಲು ಝರಿ ರಸ್ತೆಯಲ್ಲಿ ಬೆಟ್ಟವೇರಿ ದೇವಿಯ ದರ್ಶನ ಪಡೆದುಕೊಳ್ಳುತ್ತಿದ್ದರು. ಆದರೆ, ಈ ವರ್ಷಕೋವಿಡ್-19 ಹಿನ್ನೆಲೆಯಲ್ಲಿ ಜಿಲ್ಲಾಡಳಿತ ಗ್ರಾಮಸ್ಥರಿಗೆ ಮಾತ್ರ ಬೆಟ್ಟವೇರಲು ಅವಕಾಶ ನೀಡಿದ್ದರಿಂದ ಭಕ್ತರ ಸಂಖ್ಯೆ ಕಡಿಮೆ ಇತ್ತು.

ಮೂರು ದಿನಗಳ ದೇವಿರಮ್ಮ ಜಾತ್ರೆಗೆ ಚಾಲನೆ ದೊರೆತ್ತಿದ್ದು, ವರ್ಷಕ್ಕೊಮ್ಮೆ ದೀಪಾವಳಿ ಹಬ್ಬದಲ್ಲಿ ಮಾತ್ರ ಬೆಟ್ಟವೇರಿ ದೇವಿಯ ದರ್ಶನ ಭಕ್ತರು ಪಡೆದುಕೊಳ್ಳುತ್ತಾರೆ.

ಇದನ್ನೂ ಓದಿ:ತನ್ನಿಮಿತ್ತ : ಶಾಸ್ತ್ರ, ಆರೋಗ್ಯ ಕಾಳಜಿಯ ದೀಪಾವಳಿ

ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ, ಮಾಜಿ ಸಚಿವ, ಶಾಸಕ ಸಿ.ಟಿ.ರವಿ ಹಾಗೂ ಪತ್ನಿ ಪಲ್ಲವಿ ಸಿ.ಟಿರವಿ ಅವರು ದೇವಿರಮ್ಮ ಬೇಟ್ಟವೇರಿ ದೇವಿರಮ್ಮ ದರ್ಶನ ಪಡೆದುಕೊಂಡರು.

ದೇವಿಗೆ ಸೀರೆ, ಮಡಿಲಕ್ಕಿ ಅರ್ಪಿಸಿ ದೇಶದ ಸಮೃದ್ಧಿ, ಕೋವಿಡ್ ತೊಲಗುವಂತೆ ದೇವಿರಮ್ಮನಲ್ಲಿ ಪ್ರಾರ್ಥನೆ ಸಲ್ಲಿಸಿದರು.