ಪಾಕಿಗೆ ಒಲಿಯಿತು ಟಿ20 ಸರಣಿ

ಲಾಹೋರ್‌: ದ್ವಿತೀಯ ಪಂದ್ಯದಲ್ಲೂ ಪ್ರವಾಸಿ ಬಾಂಗ್ಲಾದೇಶವನ್ನು ಮಣಿಸಿದ ಪಾಕಿಸ್ಥಾನ ಟಿ20 ಸರಣಿಯನ್ನು ತನ್ನದಾಗಿಸಿಕೊಂಡಿದೆ.

ಶನಿವಾರ ಲಾಹೋರ್‌ನಲ್ಲಿ ನಡೆದ ಪಂದ್ಯವನ್ನು ಪಾಕ್‌ 9 ವಿಕೆಟ್‌ಗಳಿಂದ ಭರ್ಜರಿಯಾಗಿ ಗೆದ್ದಿತು. ಮೊದಲು ಬ್ಯಾಟಿಂಗ್‌ ನಡೆಸಿದ ಬಾಂಗ್ಲಾದೇಶ 6 ವಿಕೆಟಿಗೆ 136 ರನ್‌ ಗಳಿಸಿದರೆ, ಪಾಕ್‌ 16.4 ಓವರ್‌ಗಳಲ್ಲಿ ಒಂದೇ ವಿಕೆಟಿಗೆ 137 ರನ್‌ ಬಾರಿಸಿತು. ನಾಯಕ ಬಾಬರ್‌ ಆಜಂ 66 ಮತ್ತು ಮೊಹಮ್ಮದ್‌ ಹಫೀಜ್‌ 67 ರನ್‌ ಮಾಡಿ ಅಜೇಯರಾಗಿ ಉಳಿದರು.

ಶುಕ್ರವಾರದ ಮೊದಲ ಪಂದ್ಯವನ್ನು ಪಾಕ್‌ 5 ವಿಕೆಟ್‌ಗಳಿಂದ ಜಯಿಸಿತ್ತು. ಅಂತಿಮ ಪಂದ್ಯ ಸೋಮವಾರ ಇದೇ ಅಂಗಳದಲ್ಲಿ ನಡೆಯಲಿದೆ.