ಅಂಬಿ ಜೊತೆಗಿನ ಹಳೆಯ ನೆನಪನ್ನು ಮೆಲುಕು ಹಾಕಿದ ಮಾಲಾಶ್ರೀ

ರೆಬೆಲ್ ಸ್ಟಾರ್ ಅಂಬರೀಶ್ ಅವರು ಪಂಚಭೂತಗಳಲ್ಲಿ ಲೀನರಾಗಿ ಇಂದಿಗೆ ಐದು ದಿನಗಳಾಗಿವೆ. ಈ ಐದು ದಿನಗಳಲ್ಲಿ ಅದೆಷ್ಟೊ ನೆನಪುಗಳು ಅವರ ಜೊತೆ ಒಡನಾಟ ಇಟ್ಟುಕೊಂಡಿದ್ದವರು ಹಾಗೂ ಅಭಿಮಾನಿಗಳ ಮನದಾಳದಲ್ಲಿ ಬಂದು ಹೋಗಿವೆ.

ಇನ್ನೂ ಈ ವಿಚಾರದಲ್ಲಿ ಅಂಬರೀಶ್ ಅವರನ್ನು ಕೊನೆಯ ಬಾರಿ ನೋಡಲು ಬಂದು ಕಣ್ಣೀರಿಟ್ಟಿದ್ದ ಕನಸಿನ ರಾಣಿ, ಇದೀಗ ಅಂಬರೀಶ್​​ ಜೊತೆಗೆ ಎಂದು ಮರೆಯಲಾಗದ ನೆನಪುಗಳನ್ನು ಮೆಲುಕು ಹಾಕಿದ್ದಾರೆ. ಹೌದು! ನಟಿ ಮಾಲಾಶ್ರೀ ಅಂಬಿ ಜೊತೆಗಿರುವ ಕೆಲವು ಫೋಟೋಗಳನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ಈ ಸಂಬಂಧ ಕನಸಿನ ಕನ್ಯೆ ಅಂಬಿ ಜೊತೆಗಿರುವ ಸಂತಸದ ಕ್ಷಣಗಳನ್ನು ಟ್ವೀಟ್ಟರ್​ನಲ್ಲಿ ಶೇರ್ ಮಾಡಿದ್ದು, “ನಿಮ್ಮೊಂದಿಗೆ ಕೆಲಸ ಮಾಡುವ ಭಾಗ್ಯ ಸಿಕ್ಕಿದ್ದಕ್ಕೆ ನನಗೆ ತುಂಬಾ ಹೆಮ್ಮೆ ಎನಿಸುತ್ತದೆ. ಹಾಗೂ ಅದು ನನಗೆ ಸಿಕ್ಕ ಗೌರವ ಎಂದುಕೊಳ್ಳುತ್ತೇನೆ. ನಿಮ್ಮ ಸರಳತೆ, ಸಹಕಾರವನ್ನು ನಾನು ನೆನಪಿಸಿಕೊಳ್ಳುತ್ತೇನೆ. ವಿಶೇಷ ವ್ಯಕ್ತಿತ್ವವುಳ್ಳ ನೀವು ಸ್ವರ್ಗವನ್ನೇ ಸೇರಿರುತ್ತೀರಾ ಎಂದು ಭಾವಿಸುತ್ತೇನೆ’ ಎಂದು ಬರೆದುಕೊಂಡಿದ್ದಾರೆ.