Malala: ಪ್ಯಾಲೆಸ್ತೀನಿ ಸಂತ್ರಸ್ತರಿಗೆ ಮಲಾಲಾ 2.5 ಕೋಟಿ ರೂ. ದೇಣಿಗೆ

ಲಂಡನ್‌: ಇಸ್ರೇಲ್‌-ಹಮಾಸ್‌ ಯುದ್ಧ ಮುಂದುವರಿದಿರುವಂತೆಯೇ ಪಾಕಿಸ್ತಾನದ ಮಕ್ಕಳ ಹಕ್ಕುಗಳ ಹೋರಾಟಗಾರ್ತಿ, ನೊಬೆಲ್‌ ಶಾಂತಿ ಪ್ರಶಸ್ತಿ ಪುರಸ್ಕೃತೆ ಮಲಾಲಾ ಯೂಸುಫ್ಝಾಯ್‌ ಅವರು ಪ್ಯಾಲೆಸ್ತೀನಿ ಸಂತ್ರಸ್ತರಿಗೆ 2.5 ಕೋಟಿ ರೂ.(3 ಲಕ್ಷ ಡಾಲರ್‌)ಗಳನ್ನು ದೇಣಿಗೆಯಾಗಿ ನೀಡಿದ್ದಾರೆ. “ಗಾಜಾದ ಆಸ್ಪತ್ರೆಯ ಮೇಲೆ ನಡೆದ ದಾಳಿ ನನ್ನನ್ನು ಬೆಚ್ಚಿಬೀಳಿಸಿದೆ. ಅದನ್ನು ನಾನು ಖಂಡಿಸುತ್ತೇನೆ. ಯಾರೋ ಮಾಡಿದ ತಪ್ಪಿಗೆ ಸಾಮೂಹಿಕವಾಗಿ ಶಿಕ್ಷೆ ನೀಡುವುದು ಉತ್ತರವಲ್ಲ. ಗಾಜಾಗೆ ಮಾನವೀಯ ನೆರವು ಹರಿದುಬರಲು ಇಸ್ರೇಲ್‌ ಸರ್ಕಾರ ಅವಕಾಶ ನೀಡಬೇಕು ಹಾಗೂ ಕದನ ವಿರಾಮ ಘೋಷಿಸಬೇಕು ಎಂದು ನಾನು ಕೋರುತ್ತೇನೆ” ಎಂದು ಮಲಾಲಾ ಹೇಳಿದ್ದಾರೆ.

ಜತೆಗೆ, ದಾಳಿ ಸಂತ್ರಸ್ತ ಪ್ಯಾಲೆಸ್ತೀನಿಯನ್ನರಿಗಾಗಿ ಕೆಲಸ ಮಾಡುತ್ತಿರುವ ಮೂರು ದತ್ತಿ ಸಂಸ್ಥೆಗಳಿಗೆ ಒಟ್ಟು 2.5 ಕೋಟಿ ರೂ.ಗಳನ್ನು ದೇಣಿಗೆಯ ರೂಪದಲ್ಲಿ ನೀಡುವುದಾಗಿಯೂ ಅವರು ಘೋಷಿಸಿದ್ದಾರೆ.