ವಡೋದರ ರಾಸಾಯನಿಕ ಕಾರ್ಖಾನೆಯಲ್ಲಿ ಬೆಂಕಿ ಅವಘಡ

ವಡೋದರ : ವಡೋದರದಿಂದ ಸುಮಾರು 20 ಕಿ.ಮೀ. ದೂರದಲ್ಲಿರುವ ಮಂಜುಸರ್‌ ನಲ್ಲಿನ ಕ್ಯಾಮ್‌ಕಾನ್‌ ಕೆಮಿಕಲ್ಸ್‌ ಫ್ಯಾಕ್ಟರಿಯಲ್ಲಿ ಇಂದು ಬೆಂಕಿ ಅವಘಡ ಸಂಭವಿಸಿರುವುದಾಗಿ ವರದಿಗಳು ತಿಳಿಸಿವೆ. ರಾಸಾಯನಿಕ ಘಟಕದಿಂದ ಹೊಮ್ಮುತ್ತಿರುವ ದಟ್ಟನೆಯ ಕಪ್ಪು ಹೊಗೆ ಆಗಸವನ್ನು ಬಹು ಎತ್ತರದ ವರೆಗೆ ಆವರಿಸಿಕೊಂಡಿದೆ.

ಸುದ್ದಿ ತಿಳಿದೊಡನೆಯೇ ಮೂರು ಅಗ್ನಿ ಶಾಮಕಗಳು ಸ್ಥಳಕ್ಕೆ ಧಾವಿಸಿ ಬೆಂಕಿಯನ್ನು ನಿಯಂತ್ರಿಸುವ ಕಾರ್ಯಾಚರಣೆ ಕೈಗೊಂಡಿವೆ. ಯಾವುದೇ ಸಾವು ನೋವಿನ ವರದಿಗಳು ಈ ತನಕ ಬಂದಿಲ್ಲ. ಹೆಚ್ಚಿನ ವಿವರಗಳನ್ನು ಎದುರು ನೋಡಲಾಗುತ್ತಿದೆ. 

ಗುಜರಾತ್‌ನ ಅಹ್ಮದಾಬಾದ್‌ನಲ್ಲಿರುವ ನರನ್‌ಪುರದಲ್ಲಿನ ಗ್ರಾಸರಿ ಅಂಗಡಿಯಲ್ಲಿ ಇಂದು ಬೆಂಕಿ ಅವಘಡ ಸಂಭವಿಸಿ ನಾಲ್ವರು ಮೃತಪಟ್ಟ ಘಟನೆಯ ತಾಸುಗಳ ಬಳಿಕ ಕ್ಯಾಮ್‌ಕಾನ್‌ ಕೆಮಿಕಲ್ಸ್‌ ಫ್ಯಾಕ್ಟರಿಯಲ್ಲಿ ಭೀಕರ ಅಗ್ನಿ ಅವಘಡ ಸಂಭವಿಸಿದೆ.