ಫಾ|ಮಹೇಶ್‌ ಡಿ’ಸೋಜಾ ಆತ್ಮಹತ್ಯೆ ಪ್ರಕರಣ: ಧರ್ಮಗುರು ವಿರುದ್ಧ ಪ್ರಕರಣ ದಾಖಲು

ಶಿರ್ವ: ಇಲ್ಲಿನ ಡಾನ್‌ಬಾಸ್ಕೊ ಆಂಗ್ಲ ಮಾಧ್ಯಮ ಶಾಲೆಯ ಪ್ರಾಂಶುಪಾಲ ಫಾ| ಮಹೇಶ್‌ ಡಿ’ ಸೋಜಾ ಅವರ ಆತ್ಮಹತ್ಯೆ ಕುರಿತಂತೆ ಶಿರ್ವ ಆರೋಗ್ಯ ಮಾತಾ ದೇವಾಲಯದ ಪ್ರಧಾನ ಧರ್ಮಗುರು ರೆ| ಫಾ| ಡೆನ್ನಿಸ್‌ ಡೇಸಾ, ಸಹಾಯಕ ಧರ್ಮಗುರು ಫಾ| ಅಶ್ವಿ‌ನ್‌ ಅವರ ಮೇಲೆ ಶಿರ್ವ ನಿವಾಸಿ ಸ್ಟೀಫನ್‌ ರಿಚರ್ಡ್‌ಲೋಬೊ ಅವರು ಶಿರ್ವ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಧರ್ಮಗುರುಗಳ ಮಾನಸಿಕ ಕಿರುಕುಳ ಮತ್ತು ಸಂಚಿನಿಂದಾಗಿ ಫಾ| ಮಹೇಶ್‌ ಡಿ’ ಸೋಜಾ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ. ಶಿರ್ವ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.