ಅದಮಾರು ಶ್ರೀಗಳಿಗೆ ಮಾಹೆ ಗೌರವಾರ್ಪಣೆ

ಉಡುಪಿ: ಶ್ರೀಕೃಷ್ಣ ಮಠದಲ್ಲಿ ಪರ್ಯಾಯ ಪೂಜಾದೀಕ್ಷಿತ ರಾಗಲಿರುವ ಶ್ರೀ ಅದಮಾರು ಮಠದ ಶ್ರೀ ಈಶಪ್ರಿಯತೀರ್ಥ ಶ್ರೀಪಾದರನ್ನು ಸೋಮವಾರ ಮಣಿಪಾಲ ಮಾಹೆ ವಿಶ್ವವಿದ್ಯಾನಿಲಯದ ವತಿಯಿಂದ ಗೌರವಿಸಲಾಯಿತು. ಮಾಹೆ ಟ್ರಸ್ಟ್‌ನ ಟ್ರಸ್ಟಿ ವಸಂತಿ ಆರ್‌. ಪೈ ಅವರು ಸ್ವಾಮೀಜಿಯವರಿಗೆಫ‌ಲ ಸಮರ್ಪಣೆ ಮಾಡಿದರು.

ವಿ.ವಿ. ಸಹಕುಲಾಧಿಪತಿ ಡಾ| ಎಚ್‌.ಎಸ್‌. ಬಲ್ಲಾಳ್‌ ಮತ್ತು ಕುಲಪತಿ ಡಾ| ಎಚ್‌. ವಿನೋದ ಭಟ್‌ ಗೌರವಿಸಿದರು.  ಪ್ರತಿಯೊಬ್ಬರೂ ಕಷ್ಟಪಟ್ಟು ದುಡಿದು ಜೀವನದಲ್ಲಿ ಸಾಧನೆ ಮಾಡಬೇಕು. ದೇವರ ಅನುಗ್ರಹಕ್ಕೆ ಪ್ರಾಮಾಣಿಕತೆ ಮತ್ತು ಕಠಿನ ದುಡಿಮೆ ಅತೀ ಅಗತ್ಯ. ಮಣಿಪಾಲವು ಹಲವು ದಶಕಗಳಿಂದ ವಿದ್ಯಾದಾನ ಮಾಡಿ ಸಮಾಜ ಸೇವೆ ಮಾಡುತ್ತಿದೆ. ಪರ್ಯಾಯ ಅವಧಿಯಲ್ಲಿ ಧರ್ಮಪ್ರಚಾರಕ್ಕೆ ಆಗಬೇಕಾದ ಸಲಹೆಗಳನ್ನು ಯಾರೂ ನೀಡಬಹುದು ಎಂದು ಆಶೀರ್ವಚನ ದಲ್ಲಿ ಸ್ವಾಮೀಜಿ ತಿಳಿಸಿದರು.

ವಿ.ವಿ. ಕುಲಸಚಿವ ಡಾ| ನಾರಾಯಣ ಸಭಾಹಿತ್‌ ಸ್ವಾಗತಿಸಿ, ತಣ್ತೀಜ್ಞಾನ ವಿಭಾಗದ ಸಹ ಪ್ರಾಧ್ಯಾಪಕ ಡಾ| ಶ್ರೀನಿವಾಸಾಚಾರ್ಯ ಪರಿಚಯಿ ಸಿದರು. ಸಹಕುಲಪತಿ ಡಾ| ಪಿಎಲ್‌ಎನ್‌ಜಿ ರಾವ್‌, ಜೆಮ್‌ಶೆಡ್‌ಪುರ ಮಣಿ ಪಾಲ್‌ ಟಾಟಾ ಮೆಡಿಕಲ್‌ ಕಾಲೇಜ್‌ ಡೀನ್‌ ಡಾ| ಪೂರ್ಣಿಮಾ ಬಾಳಿಗಾ ಉಪಸ್ಥಿತರಿದ್ದರು.