ಉಷ್ಣ ವಿದ್ಯುತ್‌ ಸ್ಥಾವರದಲ್ಲಿ ಸ್ಫೋಟ: ಇಬ್ಬರ ಬಂಧನ

ಬೀಡ್‌: ಜಿಲ್ಲೆಯ ಪಾರ್ಲಿಯಲ್ಲಿರುವ ಉಷ್ಣ ವಿದ್ಯುತ್‌ ಸ್ಥಾವರದಲ್ಲಿ ಸ್ಫೋಟ ನಡೆಸಿದ್ದ ಆರೋಪದಲ್ಲಿ ಇಬ್ಬರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ರವಿವಾರ ತಿಳಿಸಿದ್ದಾರೆ.

ಸ್ಥಾವರದ ಬೂದಿ ವಿಸರ್ಜನಾ ಪ್ರದೇಶದಲ್ಲಿ ಶುಕ್ರವಾರ ಸಂಜೆ 7.30ರ ಸುಮಾರಿಗೆ ಸ್ಫೋಟ ಸಂಭವಿಸಿತ್ತು. ಶಬ್ದ ಕೇಳಿ ಸ್ಥಳಕ್ಕೆ ಆಗಮಿಸಿದ್ದ ಭದ್ರತಾ ಮೇಲ್ವಿಚಾರಕರು ಸ್ಥಳದಿಂದಲೇ ಇಬ್ಬರನ್ನು ವಶಕ್ಕೆ ಪಡೆದುಕೊಂಡಿದ್ದರು.

ಬಂಧಿತರಿಂದ 103 ಜೆಲೆಟಿನ್‌ ಕಡ್ಡಿಗಳು ಮತ್ತು 150 ಡಿಟೋನೇಟರ್‌ಗಳು ಸಿಕ್ಕಿದ್ದವು. ತಾನು ದಿನಕೂಲಿ ಕಾರ್ಮಿಕರಾಗಿದ್ದು, ಇನ್ನೊಬ್ಬರ ಸೂಚನೆಯಿಂತೆ ಸ್ಫೋಟ ನಡೆಸಿದ್ದೇವೆ ಎಂದು ಆರೋಪಿಗಳು ತಿಳಿಸಿದ್ದಾರೆ.

ತಲೆಮರೆಸಿಕೊಂಡಿರುವ ಮತ್ತೋರ್ವನಿಗಾಗಿ ಶೋಧ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದರು.