ವಾಯವ್ಯ ಪಾಕಿಸ್ಥಾನ: 5.5 ತೀವ್ರತೆಯ ಭೂಕಂಪ; 9 ಮಕ್ಕಳಿಗೆ ಗಾಯ

ಪೇಶಾವರ : ವಾಯವ್ಯ ಪಾಕಿಸ್ಥಾನದ ಖೈಬರ್‌ ಫ‌ಕ್‌ತೂನ್‌ಖ್ವಾ  ಪ್ರಾಂತ್ಯದಲ್ಲಿ  5.5 ಅಂಕಗಳ ತೀವ್ರತೆಯ ಭೂಕಂಪ ಸಂಭವಿಸಿದ್ದು 9 ಮಕ್ಕಳು ಗಾಯಗೊಂಡಿರುವುದಾಗಿ ವರದಿಯಾಗಿದೆ.

ಪಾಕ್‌  ವಾಯವ್ಯ ಪ್ರಾಂತ್ಯದ ಬನ್ನು ನಗರದಲ್ಲಿ 12 ಕಿ.ಮೀ. ಭೂಮಿಯಾಳದಲ್ಲಿ ಭೂಕಂಪವು ಕೇಂದ್ರೀಕೃತವಾಗಿದ್ದು  5.5 ಅಂಕಗಳ ತೀವ್ರತೆಯನ್ನು ಭೂಕಂಪ ಹೊಂದಿತ್ತು ಎಂದು ವರದಿಯಾಗಿದೆ. ಸ್ವಾತ್‌ ಕಣಿವೆಯಲ್ಲಿ ಮತ್ತು ಪೇಶಾವರದಲ್ಲಿ ಭೂಕಂಪನದ ತೀವ್ರ ಅನುಭವವಾಗಿತ್ತು. 

ಭೂಕಂಪದಲ್ಲಿ ಗಾಯಗೊಂಡಿರುವ 9 ಮಕ್ಕಳು ತಾಂಖೀ ಬಜಾರ್‌ ಸಮೀಪದ ಬನ್ನು ಸರಕಾರಿ ಮಾದರಿ ಶಾಲೆಯ ವಿದ್ಯಾರ್ಥಿಗಳೆಂದು ತಿಳಿದು ಬಂದಿದೆ.