Madhya Pradesh:ಡಿಸ್ಟಿಲರಿಯಲ್ಲಿದ್ದ 58 ಬಾಲ ಕಾರ್ಮಿಕರ ರಕ್ಷಣೆ

ರೈಸೆನ್‌: ಮಧ್ಯಪ್ರದೇಶದ ರೈಸನ್‌ ಜಿಲ್ಲೆಯ ಡಿಸ್ಟಿಲರಿಯೊಂದರಲ್ಲಿ ಬಾಲಕಾರ್ಮಿಕರಾಗಿ ದುಡಿಯುತ್ತಿದ್ದ 58 ಮಂದಿಯನ್ನು ರಕ್ಷಿಸಲಾಗಿದೆ. ಅವರಲ್ಲಿ 39 ಬಾಲಕರು, 19 ಬಾಲಕಿಯರಿದ್ದಾರೆ. ಮಕ್ಕಳ ಹಕ್ಕು ರಕ್ಷಣೆ ರಾಷ್ಟ್ರೀಯ ಆಯೋಗ(ಎನ್‌ಸಿಪಿಸಿಆರ್‌)ವು ಬಚನ್‌ ಬಚಾವೋ ಆಂದೋಲನ್‌(ಬಿಬಿಎ) ಜಂಟಿ ಕಾರ್ಯಾಚರಣೆ ನಡೆಸಿವೆ.

ರಾಸಾಯನಿಕಗಳು ಹಾಗೂ ಅಲ್ಕೋಹಾಲ್‌ಗೆ ಒಡ್ಡಿಕೊಂಡಿ ದ್ದರಿಂದ ಮಕ್ಕಳಿಗೆ ಸುಟ್ಟ ಗಾಯಗಳಾಗಿದ್ದವು. ನಿತ್ಯವೂ ಅವರನ್ನು ಶಾಲಾ ವಾಹನದಲ್ಲೇ ಕರೆತಂದು 12-14 ಗಂಟೆ ಕೆಲಸ ಮಾಡಿಸಿಕೊಳ್ಳಲಾಗುತ್ತಿತ್ತು ಎಂದು ಎನ್‌ಸಿಪಿಸಿಆರ್‌ ಹೇಳಿದೆ. ಈ ಬಗ್ಗೆ ಸಿಎಂ ಮೋಹನ್‌ ಯಾದವ್‌ ಕೂಡ ಟ್ವೀಟ್‌ ಮಾಡಿದ್ದು ಇದು ಬಹಳ ಗಂಭೀರ ವಿಚಾರ ಎಂದಿದ್ದಾರೆ.