ಹಸುವಿನ ಮುಂದೆ ಮೂತ್ರ ವಿಸರ್ಜಿಸಿದ್ದಕ್ಕೆ ಥಳಿತ!

ಭೋಪಾಲ್‌: ಹಸುವಿನ ಮುಂದೆ ಮೂತ್ರ ವಿಸರ್ಜನೆ ಮಾಡಿದ ಎನ್ನುವ ಕಾರಣಕ್ಕೆ ವ್ಯಕ್ತಿಯೊಬ್ಬನನ್ನು ಥಳಿಸಿರುವ ಘಟನೆ ಮಧ್ಯಪ್ರದೇಶದ ರಾತ್ಲಾಮ್‌ ಜಿಲ್ಲೆಯಲ್ಲಿ ನಡೆದಿದೆ.

ಆ ವಿಡಿಯೋ ವೈರಲ್‌ ಆಗಿದ್ದು, ಹಲ್ಲೆ ನಡೆಸಿರುವ ಆರೋಪಿಯನ್ನು ಬಂಧಿಸಲಾಗಿದೆ. ಸೈಫುದ್ದೀನ್‌ ಪಾಟೀಲ್‌ವಾಲಾ ಹೆಸರಿನ ವ್ಯಕ್ತಿ ಹಸುವಿನ ಮುಂದೆ ಮೂತ್ರ ವಿಸರ್ಜನೆ ಮಾಡಿದ್ದಾನೆ.

ಇದೇ ಕಾರಣಕ್ಕಾಗಿ ಆತನಿಗೆ ವೀರೇಂದ್ರ ರಾಥೋಡ್‌ ಎಂಬಾತ ಥಳಿಸಿದ್ದಾನೆ. ಸೈಫುದ್ದೀನ್‌ ಕ್ಷಮೆಯಾಚಿಸಿದರೂ, ಸುಮ್ಮನಿರದೆ ಹೊಡೆದಿದ್ದಾನೆ.

ಇದನ್ನೂ ಓದಿ:ತುಮಕೂರು:ಕುರಿ ಮೇಯಿಸಲು ಹೋದ ಒಂದೇ ಕುಟುಂಬದ ಮೂವರು ಮಕ್ಕಳು ಕೆರೆಯ ಗುಂಡಿಗೆ ಬಿದ್ದು ಸಾವು

ಈ ವಿಚಾರವಾಗಿ ಸೈಫುದ್ದೀನ್‌ ನೀಡಿರುವ ದೂರನ್ನು ಆಧರಿಸಿ, ವೀರೇಂದ್ರನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.