ಮಧ್ಯಪ್ರದೇಶ: ಕಲಬೆರಕೆ ತಡೆಗೆ ಕಾಯ್ದೆ ಬಳಕೆ

ಇಂದೋರ್‌: ಹಾಲು ಮತ್ತು ಹಾಲಿನ ಉತ್ಪನ್ನಗಳನ್ನು ಕಲಬೆರಕೆ ಮಾಡುವವರ ವಿರುದ್ಧ ಮಧ್ಯಪ್ರದೇಶ ಸರಕಾರ ಯುದ್ಧ ಸಾರಿದೆ. 1980ರ ರಾಷ್ಟ್ರೀಯ ಭದ್ರತಾ ಕಾಯ್ದೆ ಯಡಿ, 105 ಎಫ್ಐಆರ್‌ಗಳನ್ನು ದಾಖಲಿಸಿ, 40 ಜನರನ್ನು ಬಂಧಿಸಿದೆ. ಇದಕ್ಕೆ ಅತ್ಯಂತ ಕಠಿಣ ರಾಷ್ಟ್ರೀಯ ಭದ್ರತಾ ಕಾಯ್ದೆಯನ್ನೇ ಬಳಸಿಕೊಳ್ಳಲಾಗಿದೆ.

ಈ ಕಾಯ್ದೆಯನ್ವಯ, ಯಾವುದೇ ವ್ಯಕ್ತಿಯನ್ನುಒಂದು ವರ್ಷದವರೆಗೆ ಆರೋಪಪಟ್ಟಿ ದಾಖಲಿಸದೆಯೇ ಬಂಧನದಲ್ಲಿಡಬಹುದು. ಹಾಗೆಯೇ ಆರಂಭಿಕ 10 ದಿನಗಳವರೆಗೆ ಅವರ ಮೇಲಿನ ಆರೋಪಗಳೇನೆಂದು ತಿಳಿಸುವ ಅಗತ್ಯವಿಲ್ಲ. ಆ ವ್ಯಕ್ತಿಗಳು ಉಚ್ಚ ನ್ಯಾಯಾಲಯದ ಸಲಹಾ ಸಮಿತಿಯೆದುರು ಅರ್ಜಿ ಸಲ್ಲಿಸಬಹುದು. ಆದರೆ ಅದಕ್ಕೆ ವಕೀಲರನ್ನು ಬಳಸುವಂತಿಲ್ಲ!