Manipur ಪೊಲೀಸರ ಕೈಗೆ ಮಷೀನ್‌ ಗನ್‌: ಕಾಂಗ್ರೆಸ್‌ನಿಂದ ಆಕ್ಷೇಪ

ಇಂಫಾಲ್‌: ಮಣಿಪುರದಲ್ಲಿ ಹಿಂಸಾಚಾರ ಹೆಚ್ಚಾಗಿ ಪರಿಸ್ಥಿತಿ ಉದ್ವಿಗ್ನವಾಗಿರುವ ಬೆನ್ನಲ್ಲೇ ಅಲ್ಲಿ ಪೊಲೀಸರಿಗೆ 7.62 ಎಂಎಂನ ಮೀಡಿಯಮ್‌ ಮಷೀನ್‌ ಗನ್‌(ಎಂಎಂಜಿ)ಗಳನ್ನು ನೀಡಲಾಗಿದ್ದು, ಬಳಸಲು ಸಿಬಂದಿಗೆ ತರಬೇತಿ ನೀಡಬೇಕೆಂದು ಸೇನೆಗೆ ಮನವಿ ಮಾಡಿದೆ. ಇದೇ ವೇಳೆ ರಾಜ್ಯ ಪೊಲೀಸರು ಕುಕಿ ಸಮುದಾಯದ ವಿರುದ್ಧ ಮೈತೇಯಿಗೆ ಬೆಂಬಲ ನೀಡುತ್ತಿದ್ದಾರೆ ಎಂಬ ಗಂಭೀರ ಆರೋಪಗಳಿರುವಾಗಲೇ ಪೊಲೀಸರಿಗೆ ಮಷೀನ್‌ ಗನ್‌ ನೀಡಿರುವುದು, ಪರಿಸ್ಥಿತಿಯನ್ನು ಮತ್ತಷ್ಟು ಉದ್ವಿಗ್ನಗೊಳಿಸಬಹುದೆಂಬ ಆತಂಕವನ್ನು ರಾಜ್ಯ ಕಾಂಗ್ರೆಸ್‌ ನಾಯಕರು ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಹಿರಿಯ ಪೊಲೀಸ್‌ ಅಧಿಕಾರಿ,”ನಮ್ಮ ಬಳಿ ಹಲವು ದಶಕಗಳಿಂದ ಮಷೀನ್‌ ಗನ್‌ಗಳಿದ್ದು ಅವುಗಳ ಬಳಕೆ ಕಡಿಮೆಯಿದೆ. ಈಗ ಹೊಸ ಗನ್‌ಗಳ ಖರೀದಿ ನಡೆದಿದೆ ಅಷ್ಟೆ’ ಎಂದಿದ್ದಾರೆ.