Fraud ಪಾರ್ಟ್‌ಟೈಮ್‌ ಉದ್ಯೋಗದ ಆಮಿಷ: ಲಕ್ಷಾಂತರ ರೂ. ವಂಚನೆ

ಉಡುಪಿ: ಪಾರ್ಟ್‌ಟೈಮ್‌ ಉದ್ಯೋಗದ ಆಮಿಷವೊಡ್ಡಿ ಮಹಿಳೆಗೆ ಲಕ್ಷಾಂತರ ರೂ. ವಂಚಿಸಿದ ಘಟನೆ ನಡೆದಿದೆ.

ಉಡುಪಿಯ ಭಾಗ್ಯಶ್ರೀ ಅವರಿಗೆ ಅಪರಿಚಿತ ವ್ಯಕ್ತಿಗಳು ಕರೆಮಾಡಿ ಪಾರ್ಟ್‌ಟೈಮ್‌ ಕೆಲಸ ನೀಡುವುದಾಗಿ ನಂಬಿಸಿದ್ದರು. ಬಳಿಕ ಲಿಂಕ್‌ವೊಂದನ್ನು ಕಳುಹಿಸಿ ಟ್ರೇಡಿಂಗ್‌ ಮಾಡುವುದಾಗಿ ತಿಳಿಸಿ ಸೆ.1ರಿಂದ 3ರ ನಡುವೆ ಒಟ್ಟು 1,47,239 ರೂ.ಗಳನ್ನು ಭಾಗ್ಯಶ್ರೀ ಅವರಿಂದ ಆನ್‌ಲೈನ್‌ ಮೂಲಕ ಪಡೆದುಕೊಂಡು ಅತ್ತ ಉದ್ಯೋಗ ನೀಡದೇ ಪಡೆದ ಹಣವನ್ನು ವಾಪಸ್‌ ನೀಡದೇ ಮೋಸ ಮಾಡಿದ್ದಾರೆ.

ಸೆನ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.