ಬಾಂಡ್‌ ಸಿನಿಮಾದಂತೆ ಸೇನೆ ಕೆಲಸ ಮಾಡಲ್ಲ

ಪುಣೆ: ಜೇಮ್ಸ್‌ ಬಾಂಡ್‌ ಸಿನಿಮಾಗಳಲ್ಲಿ ಇರುವಂತೆ ಅಂದದ ಹುಡುಗಿಯರು, ಗಿಟಾರ್‌, ಗನ್‌ ಮತ್ತು ಗ್ಲಾಮರ್‌ ಮುಂತಾದವುಗಳು ಸೇನೆಯ ಗುಪ್ತಚರ ವಿಭಾಗದಲ್ಲಿ ಕರ್ತವ್ಯ ನಿರ್ವಹಿಸುವ ವೇಳೆ ಇರುವುದಿಲ್ಲ ಎಂದು ಭೂಸೇನೆಯ ನಿಯೋಜಿತ ಮುಖ್ಯಸ್ಥ ಲೆ.ಜ.ಮನೋಜ್‌ ನರವಾನೆ ಹೇಳಿದ್ದಾರೆ.

ಪುಣೆಯಲ್ಲಿ ಪತ್ರಕರ್ತ ನಿತಿನ್‌ ಗೋಖಲೆ ಬರೆದ “ಆರ್‌.ಎನ್‌.ಕವೋ: ಜಂಟಲ್‌ಮ್ಯಾನ್ ಸ್ಪೈಮಾಸ್ಟರ್‌’ ಎಂಬ ಪುಸ್ತಕ ಬಿಡುಗಡೆ ಮಾಡಿ ಮಾತನಾಡಿದರು. ಕವೋ ಅವರು ದೇಶದ ಪ್ರಮುಖ ಗುಪ್ತಚರ ಸಂಸ್ಥೆ ರಿಸರ್ಚ್‌ ಆ್ಯಂಡ್‌ ಅನಾಲಿಸಿಸ್‌ ವಿಂಗ್‌ನ ಮೊದಲ ಮುಖ್ಯಸ್ಥರಾಗಿದ್ದರು. “ರಾ’ ಬೆಂಬಲ ಮತ್ತು ಗುಪ್ತಚರ ಮಾಹಿತಿ ಇಲ್ಲದೆ ಸೇನೆಯ ಯಾವುದೇ ಕಾರ್ಯಾಚರಣೆ ಯಶಸ್ವಿಯಾಗುತ್ತಿರಲಿಲ್ಲ ಎಂದು ಹೆಮ್ಮೆಯಿಂದ ಹೇಳುವುದಾಗಿ ನರವಾನೆ ಹೇಳಿದ್ದಾರೆ. ಸೇನೆ ಮತ್ತು ದೇಶದ ರಕ್ಷಣೆಗಾಗಿರುವ ವ್ಯವಸ್ಥೆಯಲ್ಲಿನ ಗುಪ್ತಚರ ವ್ಯವಸ್ಥೆ ಎಂದರೆ ಜೇಮ್ಸ್‌ಬಾಂಡ್‌ ಸಿನಿಮಾಗಳಲ್ಲಿರುವಂತೆ ಗ್ಲಾಮರ್‌, ಗಿಟಾರ್‌, ಗನ್‌ ಇರುವುದಿಲ್ಲ ಎಂದರು.