Udupi: ಸಂತೆಕಟ್ಟೆಯಲ್ಲಿ ಲಾರಿ ಪಲ್ಟಿ: ಸಂಚಾರ ದಟ್ಟಣೆ

ಉಡುಪಿ: ಉಡುಪಿಯಿಂದ ಕುಂದಾಪುರಕ್ಕೆ ತೆರಳುತ್ತಿದ್ದ ಲಾರಿ ಯೊಂದು ಸಂತೆಕಟ್ಟೆಯ ಬಳಿ ಚಾಲಕನ ನಿಯಂತ್ರಣ ತಪ್ಪಿ ಮಗುಚಿಬಿದ್ದ ಪರಿಣಾಮ ಸುಮಾರು 1 ಗಂಟೆಗೂ ಅಧಿಕ ಕಾಲ ಸಂಚಾರ ದಟ್ಟಣೆ ಉಂಟಾದ ಘಟನೆ ಬುಧವಾರ ಮಧ್ಯಾಹ್ನದ ವೇಳೆ ಸಂಭವಿಸಿದೆ.

ಕ್ರಿಸ್ಮಸ್‌ ಪ್ರಯುಕ್ತ ರಜೆ ಇದ್ದ ಕಾರಣ ವಾಹನಗಳ ದಟ್ಟಣೆ ಅಧಿಕವಾಗಿತ್ತು. ಈ ನಡುವೆ ಘನ ವಾಹನ ಬಿದ್ದ ಪರಿಣಾಮ ಸಂಚಾರಕ್ಕೆ ಮತ್ತಷ್ಟು ಅಡಚಣೆ ಉಂಟಾಯಿತು.

ಸಂತೆಕಟ್ಟೆಯಿಂದ ರೋಬೋ ಸಾಫ್ಟ್ ವರೆಗೆ, ಅತ್ತ ಸೇತುವೆಯ ವರೆಗೆ ಹಾಗೂ ನೇಜಾರು, ಸಂತೆ ನಡೆಯುವ ಸ್ಥಳದವರೆಗೂ ವಾಹನಗಳು ಸರದಿ ಸಾಲಿನಲ್ಲಿ ನಿಂತಿದ್ದವು. ಈ ನಡುವೆ ಸ್ಥಳಾವಕಾಶ ಇದ್ದಲ್ಲೆಲ್ಲ ವಾಹನಗಳು ನುಗ್ಗಿದ ಪರಿಣಾಮ ಮತ್ತಷ್ಟು ದಟ್ಟಣೆ ಕಂಡುಬಂತು.