ನಶೆ ಪ್ರಿಯರ ಜೇಬಿಗೆ ಬೀಳಲಿದೆ ಕತ್ತರಿ! ಬಿಯರ್‌ ದರ ಶೇ. 10-15 ಹೆಚ್ಚಳ?

ನವದೆಹಲಿ: ಬಿಯರ್‌ ತಯಾರಿಕೆಯಲ್ಲಿ ಬಳಸಲಾಗುವ ಬಾರ್ಲಿ ಹಾಗೂ ಇನ್ನಿತರ ಕಚ್ಚಾ ವಸ್ತುಗಳ ಬೆಲೆಯಲ್ಲಿ ಗಣನೀಯ ಹೆಚ್ಚಳವಾಗಿರುವುದು ಹಾಗೂ ಪ್ಯಾಕೇಜಿಂಗ್‌ ದರವೂ ಹೆಚ್ಚಾಗಿರುವುದರಿಂದ ಬಿಯರ್‌ನ ಬೆಲೆ ಶೇ. 10ರಿಂದ 15ರಷ್ಟು ಹೆಚ್ಚಳವಾಗುವ ಸಾಧ್ಯತೆಗಳಿವೆ ಎಂದು ಮೂಲಗಳು ತಿಳಿಸಿವೆ.

ಕಳೆದೊಂದು ವರ್ಷದಲ್ಲಿ ಬಾರ್ಲಿಯ ಬೆಲೆ ಶೇ. 65ರಷ್ಟು ಹೆಚ್ಚಾಗಿದೆ. ಇದರ ಜೊತೆಯಲ್ಲೇ, ಬಿಯರ್‌ ಉದ್ಯಮಕ್ಕೆ ಪ್ಯಾಕೇಜಿಂಗ್‌ ಹಾಗೂ ಸಾಗಾಣಿಕೆ ವೆಚ್ಚದ ಬಿಸಿಯೂ ತಟ್ಟಿದೆ.

ಇದನ್ನೂ ಓದಿ:ರಾಜ್ಯದಲ್ಲಿಂದು 85 ಕೋವಿಡ್‌ ಪ್ರಕರಣ; ಪಾಸಿಟಿವಿಟಿ ದರ ಶೇ. 1.18ಕ್ಕೆ ಏರಿಕೆ

ಬಿಯರ್‌ ಮುಂತಾದ ಆಲ್ಕೋಹಾಲ್‌ ಯುಕ್ತ ಪಾನೀಯಗಳ ಮೇಲಿನ ದರ ನಿಯಂತ್ರಣ ರಾಜ್ಯ ಸರ್ಕಾರಗಳ ಕೈಯ್ಯಲ್ಲಿದೆ.

ಈಗಾಗಲೇ ತೆಲಂಗಾಣ, ಹರ್ಯಾಣ ರಾಜ್ಯ ಸರ್ಕಾರಗಳು ತಮ್ಮಲ್ಲಿ ಮಾರಾಟವಾಗುವ ಬಿಯರ್‌ಗಳ ಬೆಲೆಯನ್ನು ಹೆಚ್ಚಿಸಿವೆ.