Advertisement
ಬ್ಯಾಂಕಾಕ್ನಲ್ಲಿ ನಡೆಯುತ್ತಿರುವ ಏಷ್ಯನ್ ಆ್ಯತ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಮುರಳಿ ಶ್ರೀಶಂಕರ್ ಜೀವನಶ್ರೇಷ್ಠ 8.37 ಮೀಟರ್ ದೂರಕ್ಕೆ ನೆಗೆದು ಬೆಳ್ಳಿ ಪದಕ ಗೆದ್ದರು. ಅವರ ಮೊದಲ ಸುತ್ತಿನ ನೆಗೆತದಲ್ಲೇ ಈ ದೂರ ದಾಖಲಾಯಿತು. ಪ್ಯಾರಿಸ್ ಒಲಿಂಪಿಕ್ಸ್ ಅರ್ಹತೆಗೆ 8.27 ಮೀಟರ್ ನೆಗೆತ ಮಾನದಂಡವಾಗಿತ್ತು.
ಬ್ಯಾಂಕಾಕ್ ಕೂಟದ ಶನಿವಾರದ ಸ್ಪರ್ಧೆಯಲ್ಲಿ ಭಾರತದ 4×400 ಮೀ. ಮಿಶ್ರ ರಿಲೇ ತಂಡ ಚಿನ್ನದ ಪದಕ ಜಯಿಸಿದೆ (3 ನಿಮಿಷ, 14.70 ಸೆಕೆಂಡ್). ರಾಜೇಶ್ ರಮೇಶ್, ಐಶ್ವರ್ಯಾ ಮಿಶ್ರಾ, ಅಮೋಜ್ ಜೇಕಬ್ ಮತ್ತು ಶುಭಾ ವೆಂಕಟೇಶ್ ಈ ತಂಡದ ಸದಸ್ಯರಾಗಿದ್ದರು.