ಲೋಕುರ ಗ್ರಾಮ ಲಾಕ್‌ಡೌನ್‌

ಕಾಗವಾಡ: ಕಾಗವಾಡ ತಾಲೂಕಿನ ಲೋಕುರ ಗ್ರಾಮದ 21 ವಯಸ್ಸಿನ ಮಹಿಳೆಗೆ ಕೋವಿಡ್ ಸೋಂಕು ದೃಢಪಟ್ಟಿದ್ದು, ಮಂಗಳವಾರವೇ ಬೆಳಗಾವಿಯ ಬಿಮ್ಸ್‌ ಆಸ್ಪತ್ರೆಗೆ ರವಾನಿಸಲಾಗಿದೆ.

ಲೋಕುರ ಗ್ರಾಮ ಲಾಕ್‌ಡೌನ್‌: ತಾಲೂಕಾ ಪಂಚಾಯತಿ ಸದಸ್ಯ ಸುಧಾಕರ ಭಗತ್‌, ಮುಖಂಡರಾದ ಪಿಂಟು ಕಾಂಬಳೆ, ಮೋಹನ ಕಾಂಬಳೆ ಮಾತನಾಡಿ, ಗ್ರಾಮದಲ್ಲಿ ಕೋವಿಡ್ ಸೋಂಕು ಕಂಡು ಬಂದಿದ್ದರಿಂದ ಎರಡು ದಿನ ಸ್ವ-ಇಚ್ಛೆಯಿಂದ ಸಂಪೂರ್ಣ ಗ್ರಾಮದ ಎಲ್ಲ ದಿನನಿತ್ಯದ ವ್ಯವಹಾರಗಳನ್ನು ಸ್ಥಗಿತಗೊಳಿಸಿ, ಲಾಕ್‌ ಡೌನ್‌ ಮಾಡುವ ನಿರ್ಣಯ ಕೈಗೊಂಡಿದ್ದೇವೆ ಎಂದು ತಿಳಿಸಿದರು.

ಜೂ. 25 ರಿಂದ ಎಸ್‌.ಎಸ್‌.ಎಲ್‌.ಸಿ ಪರೀಕ್ಷೆ ಪ್ರಾರಂಭಗೊಳ್ಳಲಿದ್ದು, ಪ್ರಭಾರಿ ಬಿಇಓ ಸಿ.ಎಂ. ಸಾಂಗಲೆ, ಸಹಾಯಕ ಬಿಇಓ ಎಸ್‌.ಬಿ.ಪಾಟೀಲ, ಮುಖ್ಯಾಧ್ಯಾಪಿಕೆ ಸುಮಿತ್ರಾ ಕವಡೆ 10ನೇ ತರಗತಿಯ ವಿದ್ಯಾರ್ಥಿಗಳ ಬಗ್ಗೆ ಮಾಹಿತಿ ಸಂಗ್ರಹಿಸಿ ಆ ಪರಿಸರದಲ್ಲಿ ಯಾವುದೇ ವಿದ್ಯಾರ್ಥಿಗಳು ಇಲ್ಲ ಎಂಬುದನ್ನು ದೃಢಪಡಿಸಿಕೊಂಡರು.