Loksabha Election; ಇಂದು ಮುಜಾಫ‌ರ್‌ ನಗರದಿಂದ ಅಮಿತ್‌ ಶಾ ಉ.ಪ್ರ. ಪ್ರಚಾರ ಆರಂಭ

ಹೊಸದಿಲ್ಲಿ: ಮುಜಾಫ‌ರ್‌ ನಗರದ ಮೂಲಕ ಉತ್ತರ ಪ್ರದೇಶದ ಚುನಾವಣ ಪ್ರಚಾರವನ್ನು ಗೃಹಸಚಿವ ಅಮಿತ್‌ ಶಾ ಆರಂಭಿಸಲಿದ್ದಾರೆ.

ಬುಧವಾರ ಶಾಹಪುರದಲ್ಲಿ ಸಾರ್ವಜನಿಕ ಸಭೆ ಯನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. ಬಳಿಕ ಬಿಜೆಪಿ ಕೋರ್‌ ಗ್ರೂಪ್‌ ಸಭೆ ನಡೆಸಲಿದ್ದಾರೆ. ಪಶ್ಚಿಮ ಉ.ಪ್ರ.ದ ಮುಜಾಫ‌ರ್‌ನಗರ, ಸಹರಾನ್‌ಪುರ, ಕೈರಾನಾ, ಬಜ್ನೋರ್‌, ನಗಿನಾ, ಮೊರಾದ ಬಾದ್‌, ರಾಮ್‌ಪುರ, ಪಿಲಿಭೀತ್‌ ಕ್ಷೇತ್ರಗಳಿಗೆ ಮೊದಲ ಹಂತದಲ್ಲಿ ಎ.19ರಂದು ಮತದಾನ ನಡೆಯಲಿದೆ.

ಮುಜಾಫ‌ರ್‌ನಗರ ಲೋಕಸಭಾ ಕ್ಷೇತ್ರದಿಂದ ಬಿಜೆಪಿ ಕೇಂದ್ರ ಸಚಿವ ಸಂಜೀವ್‌ ಕುಮಾರ್‌ ಬಲ್ಯಾನ್‌ ಅವರನ್ನು ಕಣಕ್ಕಿಣಿಸಿದೆ. ಮೊದಲ ಹಂತದ ಚುನಾವಣೆ ನಡೆಯುವ 8 ಕ್ಷೇತ್ರದ ಅಭ್ಯರ್ಥಿಗಳು ಶಾ ರ್ಯಾಲಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ.