ಲಾಕ್‌ಡೌನ್‌ ಎಫೆಕ್ಟ್; ಭಾರತದಲ್ಲಿ 2 ಕೋಟಿ ಮಕ್ಕಳ ಜನನ ನಿರೀಕ್ಷೆ

ವಿಶ್ವಸಂಸ್ಥೆ: ಕೋವಿಡ್ ಲಾಕ್‌ಡೌನ್‌ ಪರಿಣಾಮ, ಭಾರತದಲ್ಲಿ ಈ ವರ್ಷ 2 ಕೋಟಿಗೂ ಅಧಿಕ ಮಕ್ಕಳು ಜನ್ಮತಾಳುವ ನಿರೀಕ್ಷೆಯಿದೆ. ಇದು ವಿಶ್ವದಲ್ಲೇ ದಾಖಲೆಯ ಜನಸಂಖ್ಯಾ ಸ್ಫೋಟವಾಗಿದ್ದು, ಅನಂತರದ ಸ್ಥಾನದಲ್ಲಿ ಚೀನಾ ಇದೆ. ವಿಶ್ವಸಂಸ್ಥೆಯ ಅಂಗಸಂಸ್ಥೆ ಯುನಿಸೆಫ್, ದಿಢೀರ್‌ ಜನಸಂಖ್ಯಾ ಸ್ಫೋಟದ ಆಘಾ ತಕಾರಿ ವರದಿಯನ್ನು ಹೊರಹಾಕಿದೆ. ಮಾರ್ಚ್‌- ಡಿಸೆಂಬರ್‌ ನಡುವೆ ಈ ಮಕ್ಕಳು ಜನಿಸಲಿದ್ದಾರೆ. ವಿಶ್ವದಲ್ಲಿ ಒಟ್ಟಾರೆ 11.6 ಕೋಟಿ ಮಕ್ಕಳು, ಕೋವಿಡ್ ದ ಕರಿನೆರಳಿನ ನಡುವೆ ಜನ್ಮ ತಾಳಲಿದ್ದಾರೆ ಎಂದು ವರದಿ ಹೇಳಿದೆ.

ಭಾರತದ ನಂತರ ಸ್ಥಾನದಲ್ಲಿರುವ ಚೀನದಲ್ಲಿ 1.35 ಕೋಟಿ ಮಕ್ಕಳು ಜನಿಸಲಿದ್ದಾರೆ. ನೈಜೀರಿಯಾ (64 ಲಕ್ಷ), ಪಾಕಿ ಸ್ಥಾನ (50 ಲಕ್ಷ), ಇಂಡೋನೇಷ್ಯಾ (40 ಲಕ್ಷ) ದೇಶಗಳು ನಂತರದ ಸ್ಥಾನದಲ್ಲಿವೆ.

ಭಾರತಕ್ಕೆ ಎಚ್ಚರಿಕೆ: ಕೋವಿಡ್ ದ ತುರ್ತು ಸೇವೆಗಳೇ ಅಧಿಕವಿರುವ ಈ ದಿನಗಳಲ್ಲಿ, ಹೆರಿಗೆ ಪ್ರಕರಣಗಳನ್ನು ನಿಭಾಯಿಸುವುದು ಭಾರತದ ಆಸ್ಪತ್ರೆಗಳಿಗೆ ದೊಡ್ಡ ಸವಾಲಾಗಲಿದೆ. ಹೆಚ್ಚಿನ ಶಿಶುಗಳು ಅಪಾಯಕ್ಕೆ ಸಿಲುಕುವ ಸಾಧ್ಯತೆ ಎಂದು ಯುನಿಸೆಫ್ ಎಚ್ಚರಿಸಿದೆ.