ಲಾಕ್ ಡೌನ್ ‍ಪ್ರಭಾವ : ವಿಡಿಯೋ ಕಾಲ್ ಮೂಲಕವೇ ನಡೆದ ಮದುವೆ

ಲಾಕ್‌ ಡೌನ್‌ ಹಿನ್ನೆಲೆಯಲ್ಲಿ ಮದುವೆಯೊಂದನ್ನು ವಿಡಿಯೋ ಕರೆ ಮೂಲಕ ನೆರವೇರಿಸಲಾಗಿದೆ. ಮಹಾರಾಷ್ಟ್ರದ ಔರಂಗಾಬಾದ್‌ನ ವರ ಮೊಹಮ್ಮದ್‌ ಮಿನ್ಹಾಜುದ್‌ ಮತ್ತು ಬೀಡ್‌ ನಿವಾಸಿ ವಧು ಶುಕ್ರವಾರ ವಿಡಿಯೋ ಕಾಲ್‌ ಮಧ್ಯಸ್ಥಿಕೆಯಲ್ಲಿ ನಡೆದ ಮದುವೆಯಲ್ಲಿ ಗೃಹಸ್ಥಾಶ್ರಮ ಪ್ರವೇಶಿಸಿದ್ದಾರೆ.

ಮದುವೆ ದಿನಾಂಕ 6 ತಿಂಗಳ ಹಿಂದೆಯೇ ನಿಗದಿಯಾಗಿತ್ತು. ಸದ್ಯದ ಸ್ಥಿತಿ ಹಿನ್ನೆಲೆಯಲ್ಲಿ ಮದುವೆ ರದ್ದು ಮಾಡದೆ, ಎರಡೂ ಕುಟುಂಬಗಳ ಸದಸ್ಯರು ಸೇರಿ ಮನೆಯಲ್ಲೇ ವಿಡಿಯೋ ಕರೆ ಮೂಲಕ ಮದುವೆ ನೆರವೇರಿಸಿದೆವು ಎಂದು ವಧುವಿನ ತಂದೆ ಹೇಳಿದರು.