ತಿರುಪತಿ: ಮದ್ಯ ನಿಷೇಧ‌?

ತಿರುಪತಿ: ಜಗದ್ವಿಖ್ಯಾತ ವೆಂಕಟೇಶ್ವರ ಸನ್ನಿಧಾನವಿರುವ ತಿರುಮಲ ಬೆಟ್ಟದ ತಪ್ಪಲಿನಲ್ಲಿರುವ ತಿರುಪತಿ ನಗರದಲ್ಲಿ ಎಲ್ಲ ರೀತಿಯ ಮದ್ಯವನ್ನು ನಿಷೇಧಿಸಬೇಕೆಂದು ಆಂಧ್ರಪ್ರದೇಶ ಸರಕಾರಕ್ಕೆ ಮನವಿ ಮಾಡುವುದಾಗಿ ತಿರುಮಲ ತಿರುಪತಿ ದೇವಸ್ಥಾನಂ (ಟಿಟಿಡಿ) ಮುಖ್ಯಸ್ಥ ವೈ.ವಿ. ಸುಬ್ಟಾರೆಡ್ಡಿ ತಿಳಿಸಿದ್ದಾರೆ.

“ತಿರುಮಲದಲ್ಲಿ ಈಗಾಗಲೇ ಮದ್ಯ ನಿಷೇಧವಿದೆ. ಆದರೆ, ತಿರುಮಲಕ್ಕೆ ಸಾಗಲು ಪ್ರವೇಶ ದ್ವಾರ ಎನಿಸಿರುವ ತಿರುಪತಿಯಲ್ಲೂ ಮದ್ಯ ನಿಷೇಧಗೊಳಿಸುವ ಕಾನೂನು ಜಾರಿಗೆ ತರುವಂತೆ ಸರಕಾರವನ್ನು ಕೋರಲು ನಿರ್ಧರಿಸಲಾಗಿದೆ’ ಎಂದು ಅವರು ತಿಳಿಸಿದ್ದಾರೆ.