Viral Video; ರೆಡ್ ಲೈಟ್ ಜಿಗಿದ ಕಾರು: ಅಪಘಾತದಿಂದ ಪಾರಾದ ಲಿಯೋನೆಲ್ ಮೆಸ್ಸಿ

ಮಿಯಾಮಿ: ಯುನೈಟೆಡ್ ಸ್ಟೇಟ್ಸ್‌ನ ಮಿಯಾಮಿಯಲ್ಲಿ ಅರ್ಜೆಂಟೀನಾ ಫುಟ್ಬಾಲ್ ತಂಡದ ಸ್ಟಾರ್ ಆಟಗಾರ ಲಿಯೋನೆಲ್ ಮೆಸ್ಸಿ ಅವರು ಪ್ರಯಾಣಿಸುತ್ತಿದ್ದ ಕಾರು ಟ್ರಾಫಿಕ್ ಸಿಗ್ನಲ್ ಜಂಪ್ ಮಾಡಿದ ನಂತರ ಅಪಘಾತದಿಂದ ಪಾರಾಗಿದೆ ಎಂದು ವರದಿಯಾಗಿದೆ.

ಅರ್ಜೆಂಟೀನಾದ ಟಿವಿ ಚಾನೆಲ್ ಟೈಸಿ ಸ್ಪೋರ್ಟ್ಸ್‌ನ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ, ಸೂಪರ್‌ಸ್ಟಾರ್ ಇದ್ದ ಕಾರನ್ನು ಫೋರ್ಟ್ ಲಾಡರ್‌ಡೇಲ್ ಪೊಲೀಸರು ಬೆಂಗಾವಲು ಮಾಡಿರುವುದನ್ನು ಕಾಣಬಹುದಾಗಿದೆ.

ವಾಹನವು ರೆಡ್ ಲೈಟ್ ಜಂಪ್ ಮಾಡಿದ್ದು ದೊಡ್ಡ ಅಪಘಾತಕ್ಕೆ ಕಾರಣವಾಗಬಹುದಿತ್ತು ಆದರೆ ಇತರ ಚಾಲಕರು ಪರಿಸ್ಥಿತಿಯ ಬಗ್ಗೆ ಎಚ್ಚರದಿಂದಿದ್ದ ಕಾರಣ ಯಾವುದೇ ಅಪಘಾತ ಸಂಭವಿಸಿಲ್ಲ.