ಲಿಂಗಸುಗೂರು: 30 ಗ್ರಾಪಂಗೆ ಆಡಳಿತಾಧಿಕಾರಿಗಳ ನೇಮಕ

ಲಿಂಗಸುಗೂರು: ತಾಲೂಕಿನ 30 ಗ್ರಾಪಂಗೆ ತಾಲೂಕು ಮಟ್ಟದ ಅಧಿಕಾರಿಗಳನ್ನು ಆಡಳಿತಾಧಿಕಾರಿಯನ್ನಾಗಿ ನೇಮಕಗೊಳಿಸಿ ಜಿಲ್ಲಾಧಿಕಾರಿ ಆರ್‌. ವೆಂಕಟೇಶಕುಮಾರ ಆದೇಶ ಹೊರಡಿಸಿದ್ದಾರೆ.

2015ನೇ ಸಾಲಿನಲ್ಲಿ ನಡೆದ ಗ್ರಾಪಂ ಸಾರ್ವತಿಕ ಚುನಾವಣೆ ಬಳಿಕ ಆಯ್ಕೆಯಾದ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರ ಅವಧಿ ಜೂನ್‌ ಮತ್ತು ಜುಲೈ ತಿಂಗಳಲ್ಲಿ ಮುಕ್ತಾಯವಾಗುತ್ತಿದೆ. ಕೋವಿಡ್‌ ವೈರಸ್‌ನಿಂದಾಗಿ ಚುನಾವಣೆ ಆಯೋಗ ಈ ಭಾರಿ ಗ್ರಾಪಂ ಚುನಾವಣೆಯನ್ನು ತಾತ್ಕಲಿಕವಾಗಿ ಮುಂದೂಡಿದ್ದರಿಂದ ಆಡಳಿತಾಧಿಕಾರಿಗಳನ್ನು ನೇಮಕ ಮಾಡಲಾಗಿದೆ.

ನೀರಲಕೇರಾ, ದೇವರಭೂಪುರ, ಗೆಜ್ಜಲಗಟ್ಟಾ, ಕೋಠಾ, ಈಚನಾಳ ಗ್ರಾಪಂಗೆ ತಾಪಂ ಕಾರ್ಯನಿರ್ವಾಹಕ ಅಧಿಕಾರಿಯನ್ನು ಆಡಳಿತಾಧಿಕಾರಿಯನ್ನಾಗಿ ನೇಮಕ ಮಾಡಲಾಗಿದೆ. ರೋಡಲಬಂಡಾ(ತ), ಆನ್ವರಿ ಗ್ರಾಪಂಗೆ ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕರು, ನಾಗರಹಾಳ, ಹಲ್ಕಾವಟಗಿ ಗ್ರಾಪಂಗೆ ತೋಟಗಾರಿಕೆ ಇಲಾಖೆ ಹಿರಿಯ ಸಹಾಯಕ ನಿರ್ದೇಶಕರು, ಗುಂತಗೋಳ, ನಾಗಲಾಪುರ ಗ್ರಾಪಂಗೆ ಸಹಾಯಕ ಕೃಷಿ ನಿರ್ದೇಶಕರು, ಗೌಡೂರು ಮತ್ತು ಹೂನೂರು ಗ್ರಾಪಂಗೆ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ, ನರಕಲದಿನ್ನಿ ಮತ್ತು ಆನಾಹೊಸೂರು ಗ್ರಾಪಂಗೆ ಕೆಬಿಜೆಎನ್‌ಎಲ್‌ ಎಸ್‌ ಎಲ್‌ಬಿ ಸಹಾಯಕ ಕಾರ್ಯನಿರ್ವಾಹಕ ಅಧಿಕಾರಿ, ಸರ್ಜಾಪುರ ಮತ್ತು ಬನ್ನಿಗೋಳ ಗ್ರಾಪಂಗೆ ಕೆಬಿಜೆಎನ್‌ ಎಲ್‌ ರೋಡಲಬಂಡಾ ಕ್ಯಾಂಪ್‌ ಎಇಇ, ಮಾವಿನಭಾವಿ ಮತ್ತು ಕಾಚಾಪುರ ಗ್ರಾಪಂಗೆ ಆರ್‌ಡಬ್ಲೂಎಸ್‌ ಎಇಇಯನ್ನು ಆಡಳಿತಾಧಿಕಾರಿಯನ್ನಾಗಿ ನೇಮಕ ಮಾಡಿ ಆದೇಶ ಹೊರಡಿಸಲಾಗಿದೆ.