ಭಗೀರಥ ಕಾಮೇಗೌಡರಿಗೆ ಜೀವಿತಾವಧಿ ಉಚಿತ ಪಾಸ್‌

ಬೆಂಗಳೂರು: “ಆಧುನಿಕ ಭಗೀರಥ’ ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲೂಕಿನ ದಾಸನದೊಡ್ಡಿ ಗ್ರಾಮದ ಕಾಮೇಗೌಡರ ಅಪರಿಮಿತ ಸಾಧನೆಗಾಗಿ ಕೆಎಸ್‌ಆರ್‌ಟಿಸಿ ಜೀವಿತಾವಧಿಯ ಉಚಿತ ಬಸ್‌ ಪಾಸ್‌ ನೀಡಲು ಸರ್ಕಾರ ಆದೇಶಿಸಿದೆ.  ಕಾಮೇಗೌಡರ ಸಾಧನೆಯನ್ನು ಗುರುತಿಸಿ ಜೀವಿತಾವಧಿ ಪಾಸ್‌ ನೀಡಲು ಮುಖ್ಯಮಂತ್ರಿ ಬಿ.ಎಸ್‌. ಯಡಿಯೂರಪ್ಪ ಸೂಚಿಸಿದ್ದಾರೆ.

ಈ ಪಾಸ್‌ನಲ್ಲಿ ಕಾಮೇಗೌಡರು ವೋಲ್ವೋ, ರಾಜಹಂಸ ಸೇರಿ ಎಲ್ಲ ಪ್ರಕಾರದ ಬಸ್‌ಗಳಲ್ಲಿ ಉಚಿತವಾಗಿ  ಪ್ರಯಾಣಿಸಬಹುದು ಎಂದು ಕೆಎಸ್‌ಆರ್‌ಟಿಸಿ ವ್ಯವಸ್ಥಾಪಕ ನಿರ್ದೇಶಕ ಶಿವಯೋಗಿ ಕಳಸದ ತಿಳಿಸಿದ್ದಾರೆ. ಈಚೆಗೆ ಕಾಮೇಗೌಡರ ಪರಿಸರ ಕಾಳಜಿ ಮತ್ತು ಸಾಧನೆಯನ್ನು ಸ್ವತಃ ಪ್ರಧಾನಿ ಮೋದಿ “ಮನ್‌ ಕಿ ಬಾತ್‌’ನಲ್ಲಿ ಉಲ್ಲೇಖೀಸಿದ್ದರು.