Life threat: ಸಲ್ಮಾನ್‌ ಮನೆ ಬಾಲ್ಕನಿಗೆ ಬುಲೆಟ್‌ಪ್ರೂಫ್ ಗಾಜು

ಮುಂಬೈ: ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ಗೆ ಜೀವ ಬೆದರಿಕೆ ಇರುವ ಹಿನ್ನೆಲೆಯಲ್ಲಿ ಅವರು ತಮ್ಮ ಭದ್ರತೆಯನ್ನು ಹೆಚ್ಚಿಸಿಕೊಳ್ಳುತ್ತಿದ್ದಾರೆ. ಅದರ ಭಾಗವಾಗಿ ಸಲ್ಮಾನ್‌ ತಮ್ಮ ಮನೆಯ ಬಾಲ್ಕನಿಗೆ ಬುಲೆಟ್‌ಪ್ರೂಫ್ ಗಾಜನ್ನು ಅಳವಡಿಸಿದ್ದಾರೆ.

ಅತ್ಯಾಧುನಿಕ ತಂತ್ರಜ್ಞಾನವುಳ್ಳ ಸಿಸಿಟಿವಿ ಕ್ಯಾಮೆರಾವನ್ನೂ ಅಳವಡಿಸಲಾಗಿದೆ. ಸಲ್ಮಾನ್‌ರನ್ನು ನೋಡಲು ಬರುವ ಜನರನ್ನು ಸಂಪರ್ಕಿಸಲು ಅವರು ಸಾಮಾನ್ಯವಾಗಿ ಬಾಲ್ಕನಿಗೆ ಬರುತ್ತಾರೆ. ಈ ವೇಳೆ ಅವರ ಸುರಕ್ಷತೆಗೆ ಈ ಪ್ಯಾನೆಲ್‌ ಸಹಾಯವಾಗಲಿದೆ.

ಗ್ಯಾಂಗ್‌ಸ್ಟರ್‌ ಲಾರೆನ್ಸ್‌ ಬಿಷ್ಣೋಯ್‌ನಿಂದ ಸಲ್ಮಾನ್‌ಗೆ ಜೀವ ಬೆದರಿಕೆ ಇದೆ.