“ಯಕ್ಷಗಾನದಲ್ಲಿ ಜೀವನ ಆದರ್ಶ’

ಬ್ರಹ್ಮಾವರ: ಯಕ್ಷಗಾನವು ಜೀವನ ಆದರ್ಶವನ್ನು ಮನ ಮುಟ್ಟುವಂತೆ ತಿಳಿಸುವ, ಮನೋ ರಂಜನೆಯೊಂದಿಗೆ ಮನೋ ವಿಕಾಸಗೊಳಿಸುವ ಜೀವಂತ ಕಲೆ ಎಂದು ಸಮಾಜ ಸೇವಕ ಎಚ್‌. ಇಬ್ರಾಹಿಂ ಸಾಹೇಬ್‌ ಹೇಳಿದರು.

ಅವರು ಶನಿವಾರ ಬ್ರಹ್ಮಾವರ ಹೆರಂಜೆಯಲ್ಲಿ ಬ್ರಹ್ಮಾವರ ನ್ಪೋರ್ಟ್ಸ್ ಕ್ಲಬ್‌ ಒಳಾಂಗಣ ಕ್ರೀಡಾಂಗಣದಲ್ಲಿ ಯಕ್ಷಗಾನ ಸಂದರ್ಭ ಕ್ಲಬ್‌ ವತಿಯಿಂದ ಸಮ್ಮಾನ ಸ್ವೀಕರಿಸಿ ಮಾತನಾಡಿದರು. ಯಕ್ಷಗಾನ ಕನ್ನಡ ಸಾಹಿತ್ಯವನ್ನು ಶ್ರೀಮಂತಗೊಳಿಸಿದೆ. ಯಕ್ಷಗಾನ ಸತ್ವಕ್ಕೆ ಭಂಗ ಬಾರದಂತೆ ನಡೆಯಬೇಕು ಎಂದರು.

ಇದಕ್ಕೂ ಮೊದಲು ಮಣಿಪಾಲ ಎಂ.ಐ.ಟಿ. ಪ್ರಾಧ್ಯಾಪಕ ಎಸ್‌.ವಿ. ಉದಯ ಕುಮಾರ್‌ ಶೆಟ್ಟಿ ಕಾರ್ಯಕ್ರಮ ಉದ್ಘಾಟಿಸಿ, ಕ್ಲಬ್‌ ಕ್ರೀಡೆಯೊಂದಿಗೆ ಹಲವು ಸಮಾಜಮುಖೀ ಕಾರ್ಯಕ್ರಮ ಹಮ್ಮಿಕೊಳ್ಳುತ್ತಿದೆ. ಪರಿಸರದ ಕ್ರೀಡಾ ಪ್ರತಿಭೆಗಳು ಬೆಳೆಯುವಂತಾಗಲಿ ಎಂದರು.

ಅತಿಥಿಯಾಗಿ ಬ್ರಹ್ಮಾವರ ರೋಟರಿ ವೆಲ್ಫೆàರ್‌ ಸೊಸೈಟಿ ಗೌರವಾಧ್ಯಕ್ಷ ಟಿ. ಭಾಸ್ಕರ ರೈ ಮಾತನಾಡಿದರು. ಕ್ಲಬ್‌ ಅಧ್ಯಕ್ಷ ಎಂ. ಚಂದ್ರಶೇಖರ ಹೆಗ್ಡೆ ಸ್ವಾಗತಿಸಿ, ಕಾರ್ಯದರ್ಶಿ ಗ್ರೆಗರಿ ಡಿ’ಸಿಲ್ವಾ ವಂದಿಸಿದರು. ನಿವೃತ್ತ ಪ್ರಾಂಶುಪಾಲ ಎಸ್‌. ನೊರೊನ್ಹಾ ಸಮ್ಮಾನ ಪತ್ರ ವಾಚಿಸಿ, ಡಾ| ರೋಶನ್‌ ಕುಮಾರ್‌ ಶೆಟ್ಟಿ ಕಾರ್ಯಕ್ರಮ ನಿರೂಪಿಸಿದರು.ಬಳಿಕ ಪೆರ್ಡೂರು ಮೇಳದ ಆಯ್ದ ಕಲಾವಿದರಿಂದ ಕೀಚಕ ವಧೆ ಯಕ್ಷಗಾನ ಪ್ರದರ್ಶನಗೊಂಡಿತು.