ಎಲ್‌ಐಸಿಯಿಂದ “ಆರೋಗ್ಯ ರಕ್ಷಕ್‌’ವಿಮಾ ಸೌಲಭ್ಯ ಜಾರಿ

ನವದೆಹಲಿ: ಭಾರತೀಯ ಜೀವ ವಿಮಾ ನಿಗಮವು (ಎಲ್‌ಐಸಿ), ಸೋಮವಾರ “ಆರೋಗ್ಯ ರಕ್ಷಕ್‌’ ಎಂಬ ಹೊಸ ಆರೋಗ್ಯ ವಿಮಾ ಸೌಲಭ್ಯವೊಂದನ್ನು ಜಾರಿಗೊಳಿಸಿದೆ. ಇದು ನಾನ್‌-ಲಿಂಕ್ಡ್, ನಾನ್‌-ಪಾರ್ಟಿಸಿಪೇಟಿಂಗ್‌ ಮಾದರಿಯ, ರೆಗ್ಯುಲರ್‌ ಪ್ರೀಮಿಯಂ ಸೌಲಭ್ಯವುಳ್ಳ ಆರೋಗ್ಯ ವಿಮೆ ಎಂದು ಜೀವ ವಿಮಾ ನಿಗಮ ಹೇಳಿದೆ.

ಇದೊಂದು ವೈಯಕ್ತಿಕ ವಿಮಾ ಸೌಲಭ್ಯವಾಗಿದ್ದು, ಗ್ರಾಹಕರು ತಮ್ಮ ಸಂಗಾತಿ, ಮಕ್ಕಳು ಹಾಗೂ ಅಪ್ಪ- ಅಮ್ಮನ ಹೆಸರನ್ನು ಇದರ ವ್ಯಾಪ್ತಿಗೆ ತರಬಹುದು. ಆದರೆ, 85 ವರ್ಷ ವಯಸ್ಸಿನೊಳಗಿನ ಹಿರಿಯ ನಾಗರಿಕರಿಗೆ ಮಾತ್ರ ಈ ವಿಮಾ ಯೋಜನೆ ಅನ್ವಯವಾಗುತ್ತದೆ. ಇನ್ನು, 91 ದಿನ ದಾಟಿದ 20 ವರ್ಷದೊಳಗಿನ ತಮ್ಮ ಮಕ್ಕಳನ್ನು ಈ ವಿಮೆಯ ವ್ಯಾಪ್ತಿಗೆ ತರಬಹುದು. ವಿಮೆಯಲ್ಲಿ ನೋಂದಾಯಿಸಲಾಗಿರುವವರು ತಮಗೆ 80 ವರ್ಷಗಳಾಗುವವರೆಗೆ ಈ ಪಾಲಿಸಿಯ ಲಾಭಗಳನ್ನು ಪಡೆಯಬಹುದು ಹಾಗೂ ಮಕ್ಕಳಿಗೆ 25 ವರ್ಷ ವಯಸ್ಸಾಗುವವರೆಗೆ ಈ ಪಾಲಿಸಿಯ ಲಾಭ ಸಿಗಲಿದೆ.

ಇದನ್ನೂ ಓದಿ : Cadburyಯಲ್ಲಿ ಬೀಫ್ ಇಲ್ಲ, ನಮ್ಮ ಎಲ್ಲ ಉತ್ಪನ್ನಗಳೂ ಶೇ.100 ಸಸ್ಯಾಹಾರಿ : ಕಂಪನಿ ಸ್ಪಷ್ಟನೆ

ಫ್ಲೆಕ್ಸಿಬಲ್‌ ಬೆನಿಫಿಟ್‌ ಆಯ್ಕೆ, ಫ್ಲೆಕ್ಸಿಬಲ್‌ ಪ್ರೀಮಿಯಂ ಪಾವತಿ, ಆಸ್ಪತ್ರೆಯ ಒಳರೋಗಿ ಹಾಗೂ ಶಸ್ತ್ರಚಿಕಿತ್ಸಾ ವೆತ್ಛ ಭರಿಸುವಲ್ಲಿ ಉತ್ತಮ ಸೌಲಭ್ಯಗಳು ಇತ್ಯಾದಿ ವಿಶೇಷತೆಗಳು ಇದರಲ್ಲಿವೆ ಎಂದು ಎಲ್‌ಐಸಿ ಹೇಳಿದೆ.