ಜಮ್ಮು ಕಾಶ್ಮೀರ : ವಾರದೊಳಗೆ ಎರಡನೇ ಚಿರತೆಯ ಸಾವು

ಜಮ್ಮು : ಒಂದೇ ವಾರದೊಳಗೆ ಎರಡನೇ ಬಾರಿಗೆ ಚಿರತೆಯೊಂದು ಸತ್ತು ಬಿದ್ದಿರುವುದು ಜಮ್ಮು ಕಾಶ್ಮೀರದ ರಿಯಾಸಿ ಜಿಲ್ಲೆಯಲ್ಲಿ ಪತ್ತೆಯಾಗಿದೆ ಎಂದು ಅರಣ್ಯಾಧಿಕಾರಿಗಳು ತಿಳಿಸಿದ್ದಾರೆ. 

ಸಿಂಬಾಲ್‌ – ಚೋವಾ ಮಾರ್ಗದಲ್ಲಿ ಚಿರತೆಯ ಶವ ರಸ್ತೆ ಬಿದ್ದಿಯಲ್ಲಿ ಬಿದ್ದಿರುವುದು ಪತ್ತೆಯಾಯಿತು; ಮೇಲ್ನೋಟಕ್ಕೆ ಈ ಚಿರತೆಯು ರಸ್ತೆ ದಾಟುವಾಗ ವೇಗವಾಗಿ ಧಾವಿಸಿ ಬಂದ ವಾಹನದಡಿಗೆ ಬಿದ್ದು ಸತ್ತಿರಬಹುದು ಎಂದು ಜಮ್ಮು ಅರಣ್ಯಾಧಿಕಾರಿ ಅಮಿತ್‌ ಶರ್ಮಾ ತಿಳಿಸಿದ್ದಾರೆ.

ಈ ವಾರದ ಆದಿಯಲ್ಲಿ 7 ವರ್ಷ ಪ್ರಾಯದ ಚಿರತೆಯೊಂದು ಜಿಲ್ಲೆಯ ಡ್ಯಾಮ್‌ಟಾಪ್‌ ಪ್ರದೇಶದಲ್ಲಿ ಚೀನಾಬ್‌ ನದೀ ತೀರದಲ್ಲಿ ಗುಂಡೇಟಿನಿಂದಾಗಿ ಸತ್ತು ಬಿದ್ದಿರುವುದು ಪತ್ತೆಯಾಗಿತ್ತು. ಅದರ ಮುಂದಿನ ಕಾಲುಗಳು ಮಾಯವಾಗಿದ್ದವು. ಇದು ದುರುಳರ ಕೃತ್ಯ ಇರಬಹುದೇ ಎಂಬ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಶರ್ಮಾ ಹೇಳಿದರು.