Leo: 1500 ರೂ.ಗೆ ಮಾರಾಟವಾದ ʼಲಿಯೋʼ ಟಿಕೆಟ್‌; ಬೆಂಗಳೂರಿನಲ್ಲೇ ಅತ್ಯಧಿಕ ದರ.!

ಚೆನ್ನೈ: ದಳಪತಿ ವಿಜಯ್‌ ಅವರ ʼಲಿಯೋʼ ಸಿನಿಮಾ ರಿಲೀಸ್‌ ಗೆ ದಿನಗಣನೆ ಬಾಕಿ ಉಳಿದಿದೆ. ಇದೇ ವಾರ ಸಿನಿಮಾ ವಿಶ್ವದೆಲ್ಲೆಡೆ ಅದ್ಧೂರಿಯಾಗಿ ತೆರೆಗೆ ಬರಲಿದೆ. ಈ ನಡುವೆ ಸಿನಿಮಾದ ಅಡ್ವಾನ್ಸ್‌ ಬುಕಿಂಗ್‌ ಆರಂಭಗೊಂಡಿದೆ.

ಟ್ರೇಲರ್‌ ನಿಂದ ಸಿನಿಮಾದ ಮೇಲಿನ ನಿರೀಕ್ಷೆ ಮತ್ತಷ್ಟು ಹೆಚ್ಚಾಗಿದೆ. ಅಡ್ವಾನ್ಸ್‌ ಬುಕಿಂಗ್‌ ನಲ್ಲೂ ʼಲಿಯೋʼ ಸದ್ದು ಮಾಡುತ್ತಿದೆ. ಭಾರತ ಸೇರಿದಂತೆ ವಿದೇಶದಲ್ಲೂ ಸಿನಿಮಾದ ಟಿಕೆಟ್‌ ಗಳು ಮುಂಗಡವಾಗಿ ಮಾರಾಟವಾಗುತ್ತಿದೆ.

ರಿಕ್ಲೈನರ್ ಸೀಟ್‌ಗೆ (ಮಲಗಿಕೊಂಡು ನೋಡುವ ಸೀಟು) ನಲ್ಲಿ ʼಲಿಯೋʼ ಸಿನಿಮಾ ನೋಡಲು 1,500 ರೂ. ಟಿಕೆಟ್‌ ನೀಡಬೇಕಿದೆ. ಈಗಾಗಲೇ ಈ ಟಿಕೆಟ್‌ ನ್ನು ಕೆಲವರು ಖರೀದಿಸಿದ್ದಾರೆ ಎಂದು ಬುಕ್ ಮೈ ಶೋ ಹೇಳಿದೆ.

ತಮಿಳುನಾಡು, ಕೇರಳ, ಕರ್ನಾಟಕ ಸೇರಿದಂತೆ ಬಹುತೇಕ ರಾಜ್ಯಗಳಲ್ಲಿ ʼಲಿಯೋʼ ಅಡ್ವಾನ್ಸ್‌ ಬುಕಿಂಗ್‌ ಆರಂಭಗೊಂಡಿದೆ. 200 ರೂ.ನಿಂದ 1500 ರೂ.ವರೆಗೆ ʼಲಿಯೋʼ ಟಿಕೆಟ್‌ ಬೆಲೆ ನಿಗದಿಯಾಗಿದೆ.

ಬೆಂಗಳೂರಿನ ಕೆಲ ಮಲ್ಟಿಫ್ಲೆಕ್ಸ್‌ ನಲ್ಲಿ ʼಲಿಯೋʼ ಸಿನಿಮಾದ ರಿಕ್ಲೈನರ್ ಸೀಟ್‌ ನ ದರವನ್ನು 1500 ರೂಪಾಯಿಗೆ ನಿಗದಿಪಡಿಸಲಾಗಿದೆ. ಈ ಟಿಕೆಟ್‌ ನ್ನು ಅನೇಕರು ಖರೀದಿಸಿದ್ದಾರೆ.

ಚೆನ್ನೈನಲ್ಲಿ 190 ರೂ.ವಿನಿಂದ ಟಿಕೆಟ್‌ ಬೆಲೆ ಆರಂಭಗೊಂಡಿದೆ. ಸರ್ಕಾರದ ಆದೇಶದಂತೆ ಮುಂಜಾನೆ 9 ಗಂಟೆಯಿಂದ ತಮಿಳುನಾಡಿನಲ್ಲಿ ಶೋ ಆರಂಭಗೊಳ್ಳಲಿದೆ.

ಇತ್ತ ಕೇರಳ ಹಾಗೂ ತಮಿಳುನಾಡಿನಲ್ಲಿ ಮುಂಜಾನೆ 4 ಗಂಟೆಯಿಂದಲೇ ʼಲಿಯೋʼ ಶೋ ಆರಂಭಗೊಳ್ಳಲಿದೆ. ಕೊಚ್ಚಿಯಲ್ಲಿ ರಿಕ್ಲೈನರ್ ಸೀಟ್‌ಗೆ 340 ರೂ.ವನ್ನು ನಿಗದಿಪಡಿಸಲಾಗಿದೆ. ಬಾಲಿವುಡ್‌ ನಲ್ಲಿ ʼಗಣಪತ್‌ʼ ಸಿನಿಮಾ ರಿಲೀಸ್‌ ಆಗಿರುವುದರಿಂದ ಮುಂಬಯಿ ಹಾಗೂ ಪುಣೆಯಲ್ಲಿ ಕೆಲ ಥಿಯೇಟರ್‌ ನಲ್ಲಿ ಮಾತ್ರ ʼಲಿಯೋʼ ಬಿಡುಗಡೆ ಆಗಲಿದೆ. ಮುಂಬೈನಲ್ಲಿ ಅತಿ ಹೆಚ್ಚು ಟಿಕೆಟ್ ಬೆಲೆ 450 ರೂ ಆಗಿದ್ದರೆ, ಪುಣೆಯಲ್ಲಿ 340 ರೂ.ಆಗಿದೆ.

ಇತ್ತ ತೆಲುಗು ರಾಜ್ಯದಲ್ಲಿ ʼಲಿಯೋʼ ಸಿನಿಮಾಕ್ಕೆ  ಬಾಲಕೃಷ್ಣ ಅಭಿನಯದ ‘ಭಗವಂತ ಕೇಸರಿ’ ಹಾಗೂ ರವಿತೇಜ ಅಭಿನಯದ ‘ಟೈಗರ್ ನಾಗೇಶ್ವರ ರಾವ್ʼ ಟಕ್ಕರ್‌ ನೀಡಲಿದ್ದು,ಇಲ್ಲಿ ʼಲಿಯೋʼ ಸಿನಿಮಾದ ಅತ್ಯಧಿಕ ಟಿಕೆಟ್‌ ಬೆಲೆ 700 ರೂ.ಆಗಿದೆ.( ರಿಕ್ಲೈನರ್ ಸೀಟ್‌ಗೆ)

ಲೋಕೇಶ್‌ ಕನಕರಾಜ್‌ ನಿರ್ದೇಶನದ ʼಲಿಯೋʼ ಚಿತ್ರದ ಬಗ್ಗೆ ದೊಡ್ಡ ನಿರೀಕ್ಷೆಯಿದ್ದು, ದಳಪತಿ ವಿಜಯ್ ಯೊಂದಿಗೆ ತ್ರಿಶಾ, ಮತ್ತು ಸಂಜಯ್ ದತ್ ,ಅರ್ಜುನ್ ಸರ್ಜಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದು,ಗೌತಮ್ ವಾಸುದೇವ್ ಮೆನನ್, ಮಿಸ್ಕಿನ್, ಪ್ರಿಯಾ ಆನಂದ್ ಮತ್ತು ಮನ್ಸೂರ್ ಅಲಿ ಖಾನ್ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದಾರೆ.