ಎಡರಂಗದ ಶೀನಾ ಶೆಟ್ಟಿ ಬಿಜೆಪಿಗೆ ಸೇರ್ಪಡೆ

ವರ್ಕಾಡಿ: ಕೆದುಂಬಾಡಿಯ ಎಡರಂಗದ ನೇತಾರ, ಬ್ರ್ಯಾಂಚ್‌ ಸೆಕ್ರೆಟರಿ, ದಿನೇಶ್‌ ಬಿಡಿ ಕಾರ್ಮಿಕ ಸಂಘದ ಮುಂದಾಳು, ಶೀನಾ ಶೆಟ್ಟಿ ಅವರು ಬಿಜೆಪಿಗೆ ಸೇರ್ಪಡೆಗೊಂಡಿದ್ದಾರೆ.

ಕಾರ್ಮಿಕ ವಿರೋ ಧಿ ಎಡರಂಗದ ಕಪಟತನಕ್ಕೆ ಉತ್ತರ ನೀಡಲು ಬಿಜೆಪಿಗೆ ಸೇರ್ಪಡೆ ಎಂದು ಶೀನಾ ಶೆಟ್ಟಿ ಹೇಳಿದ್ದಾರೆ. ಬಿಜೆಪಿ ಅಭ್ಯರ್ಥಿ ರವೀಶ ತಂತ್ರಿ ಕುಂಟಾರು ಅವರು ಶೀನಾ ಶೆಟ್ಟಿ ಅವರಿಗೆ ಶಾಲು ಕೊಟ್ಟು ಪಕ್ಷಕ್ಕೆ ಸ್ವಾಗತಿಸಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ಸತೀಶ್ಚಂದ್ರ ಭಂಡಾರಿ, ಬಾಲಕೃಷ್ಣ ಶೆಟ್ಟಿ, ಆದರ್ಶ್‌ ಬಿ.ಎಂ., ಆನಂದ ತಾಚ್ಚಿರೆ, ಸದಾಶಿವ ವರ್ಕಾಡಿ ಮೊದಲಾದವರು ಉಪಸ್ಥಿತರಿದ್ದರು.