ಸಿದ್ದರಾಮಯ್ಯ ಸಿಎಂ ಆಗಬಾರದಂತೇನಿಲ್ಲ,Urgent ಅಲ್ಲಿ ಆಗಲ್ಲ!: ಡಿಕೆಶಿ

ಬೆಂಗಳೂರು: ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿಯಾಗಬಾರದು ಅಂತೇನಿಲ್ಲ. ಅವಸರದಲ್ಲಿ ಆಗುವುದಿಲ್ಲ  ಎಂದು ಸಚಿವ ಡಿ.ಕೆ ಶಿವಕುಮಾರ್‌ ಅವರು ಹೇಳಿಕೆ ನೀಡಿದ್ದಾರೆ. 

ಬುಧವಾರ ಸುದ್ದಿಗಾರರೊಂದಿಗೆ ಮಾತನಾಡಿ  ಈಗ ಮೈತ್ರಿ ಸರ್ಕಾರ ಇದೆ. ಅಧಿಕಾರಕ್ಕೆ ಬಂದು 3 ತಿಂಗಳು ಮಾತ್ರ ಆಗಿದೆ. ಇನ್ನು 4 ವರ್ಷ 9 ತಿಂಗಳು ಕುಮಾರಸ್ವಾಮಿ ಅವರು ಅಧಿಕಾರ ನಡೆಸಲಿದ್ದಾರೆ. ಆ ಬಳಿಕ ಯಾರು ಬೇಕಾದರು ಸಿಎಂ ಆಗಬಹುದು ಎಂದರು. 

ಸಿದ್ದರಾಮಯ್ಯ ಹೇಳಿಕೆ ವಿಚಾರ ಭಾರಿ ಚರ್ಚೆಗೆ ಕಾರಣವಾದ ಬಳಿಕ ಅವರು ಸ್ಪಷ್ಟೀಕರಣವನ್ನೂ ನೀಡಿ ನಾನು ಈಗ ಸಿಎಂ ಆಗುತ್ತೇನೆ ಅಂದಿದ್ದಲ್ಲ. ಮುಂದೆ ಜನ ಆಶೀರ್ವಾದ ನೀಡಿದರೆ ಸಿಎಂ ಆಗುತ್ತೇನೆ ಅಂದಿದ್ದು ಎಂದಿದ್ದರು.