ಮಾನ್‌ಸ್ಟರ್‌ಗಳೆಂದರೆ(ರಾಕ್ಷಸ) ಮಕ್ಕಳು ಭಯ ಪಡುತ್ತಾರೆ. ಆದರೆ ನಗಿಸುವ ಮಾನ್‌ಸ್ಟರ್‌ಗಳನ್ನು ನೋಡಿದ್ದೀರಾ? ಅವುಗಳಿರೋದು “ಹೋಟೆಲ್‌ ಟ್ರಾನ್ಸಿಲ್ವೇನಿಯಾ ಸಮ್ಮರ್‌ ವೆಕೇಷನ್‌’ ಅನಿಮೇಷನ್‌ ಸಿನಿಮಾದಲ್ಲಿ. ನಗರ ಪ್ರದೇಶದಿಂದ ದೂರ ಕಗ್ಗತ್ತಲ ಕಾಡಿನ ನಡುವೆ ಈ ಹೋಟೆಲ್‌ ಇದೆ. ಇಲ್ಲಿಗೆ ಬರುವ ಗಿರಾಕಿಗಳೂ ಮಾನ್‌ಸ್ಟರ್‌ಗಳೇ. ಸಿನಿಮಾದ ಕಥೆ ಹೋಟೆಲ್‌ ನಡೆಸುವ ಮಾನ್‌ಸ್ಟರ್‌ ಕುಟುಂಬವೊಂದರ ಸುತ್ತ ಹೆಣೆಯಲಾಗಿದೆ. ಆ ಕುಟುಂಬದ ಅಳಿಯ ಮಾತ್ರ ಮನುಷ್ಯ. ಈಗ ಬಿಡುಗಡೆಯಾಗುತ್ತಿರುವುದು ಹೋಟೆಲ್‌ ಟ್ರಾನ್ಸಿಲ್ವೇನಿಯಾ ಸಿನಿಮಾದ 3ನೇ ಅವತರಣಿಕೆ. ಈ ಸಿನಿಮಾದ ನಿರ್ದೇಶಕ ಜೆಂಡಿ ಟರ್ಟಕೋವ್‌ಸ್ಕಿ. ಹೀಗೆ ಹೇಳಿದರೆ ಅನೇಕರಿಗೆ ಗೊತ್ತಾಗಲಿಕ್ಕಿಲ್ಲ. ಕಾಟೂìನ್‌ ನೆಟ್‌ವರ್ಕ್‌ ಚಾನೆಲ್‌ನಲ್ಲಿ ಪ್ರಸಾರವಾಗುತ್ತಿದ್ದ “ಡೆಕ್ಸ್‌ಟರ್ ಲ್ಯಾಬ್‌’ನ ನಿರ್ಮಾತೃ ಇವರು. ಸಿನಿಮಾ ಜುಲೈ 20ರಂದು ಚಿತ್ರಮಂದಿರಗಳಲ್ಲಿ ತೆರೆ ಕಾಣುತ್ತಿದೆ.
