Kasaragod ಸರ್ವರಿಗೂ ಭೂಮಿ ಕೇರಳ ಗುರಿ: ಸಿಎಂ ಪಿಣರಾಯಿ ವಿಜಯನ್‌

ಕಾಸರಗೋಡು: ಅರ್ಹರೆಲ್ಲರಿಗೂ ಪಟ್ಟಾ ನೀಡಲಾಗುವುದು. “ಭೂರಹಿತರಿಲ್ಲದ ಕೇರಳ’ ಗುರಿ ಈ ಸರಕಾರದ್ದು ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಹೇಳಿದರು.

ತೃಶ್ಶೂರ್‌ ತೆಕ್ಕಿನ್‌ಕಾಡ್‌ ಮೈದಾನದಲ್ಲಿ ರಾಜ್ಯ ಮಟ್ಟದ ಪಟ್ಟಾ ಮೇಳ ಉದ್ಘಾಟಿಸಿ ಅವರು ಮಾತನಾಡಿ, ಭೂರಹಿತರಿಗೆ ಭೂಮಿ ಕಲ್ಪಿಸಲು ಮಿಗತೆ ಭೂಮಿಯನ್ನು ಪತ್ತೆಹಚ್ಚಿ ಅಗತ್ಯ ಅನುಮತಿಯೊಂದಿಗೆ ಭೂ ಸ್ವಾಧೀನ ಮಾಡಿಕೊಳ್ಳಲಾಗುವುದು ಎಂದರು.

ಕಾಸರಗೋಡು ಜಿಲ್ಲೆಯಲ್ಲಿ ಪಟ್ಟಾ ವಿತರಿಸಿ ಮ್ಯೂಸಿಯಂ ಖಾತೆ ಸಚಿವ ರಾಮಚಂದ್ರನ್‌ ಕಡನ್ನಪಳ್ಳಿ ಅವರು ಮಾತನಾಡಿದರು. ಕಾಸರಗೋಡು ಟೌನ್‌ ಹಾಲ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಶಾಸಕರಾದ ಎನ್‌.ಎ. ನೆಲ್ಲಿಕುನ್ನು, ಎ.ಕೆ.ಎಂ. ಅಶ್ರಫ್‌, ಜಿ.ಪಂ. ಅಧ್ಯಕ್ಷೆ ಪಿ. ಬೇಬಿ ಬಾಲಕೃಷ್ಣನ್‌, ಜಿಲ್ಲಾಧಿಕಾರಿ ಕೆ. ಇಂಬ್‌ಶೇಖರ್‌ ಮುಖ್ಯ ಅತಿಥಿಯಾಗಿದ್ದರು. ನಗರಸಭಾ ಸದಸ್ಯೆ ವಿಮಲಾ ಶ್ರೀಧರನ್‌ ಉಪಸ್ಥಿತರಿದ್ದರು. ಎಡಿಎಂ ಕೆ.ವಿ. ಶ್ರುತಿ ವಂದಿಸಿದರು.