Ladies Bar Movie: ಲೇಡಿಸ್‌ ಬಾರ್‌ನಲ್ಲಿ ಸಂಭ್ರಮ

ಬಹುತೇಕ ಹೊಸ ಪ್ರತಿಭೆಗಳೇ ಸೇರಿ ನಿರ್ಮಿಸಿದ್ದ “ಲೇಡಿಸ್‌ ಬಾರ್‌’ ಸಿನಿಮಾ ಬಿಡುಗಡೆಯಾಗಿ, ಸದ್ದಿಲ್ಲದೆ 25 ದಿನ ಗಳನ್ನು ಪೂರೈಸಿದೆ. ಇದೇ ಖುಷಿಯನ್ನು ಹಂಚಿಕೊಳ್ಳುವ ಸಲುವಾಗಿ ಮಾಧ್ಯಮ ಗಳ ಮುಂದೆ ಬಂದಿದ್ದ ಚಿತ್ರತಂಡ, “ಲೇಡಿಸ್‌ ಬಾರ್‌’ ಸಿನಿಮಾದ ಬಿಡು ಗಡೆಯ ನಂತರ ಸಿಗುತ್ತಿರುವ ಪ್ರತಿಕ್ರಿಯೆ ಗಳ ಬಗ್ಗೆ ಒಂದಷ್ಟು ಮಾಹಿತಿ ನೀಡಿತು.

“ಫೆಬ್ರವರಿ 16ರಂದು “ಲೇಡಿಸ್‌ ಬಾರ್‌’ ಸಿನಿಮಾ ಬಿಡುಗಡೆಯಾಗಿದ್ದು, ಸಿನಿಮಾಕ್ಕೆ ಎಲ್ಲ ಕಡೆಗಳಿಂದ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. ನಮ್ಮ ಚಿಕ್ಕ ಚಿತ್ರತಂಡ ದೊಡ್ಡ ಕನಸುಗಳನ್ನು ಹೊತ್ತುಕೊಂಡು “ಲೇಡಿಸ್‌ ಬಾರ್‌’ ಸಿನಿಮಾ ಮಾಡಿತ್ತು. ಸಾಲು ಸಾಲು ಸಿನಿಮಾಗಳು ಬಿಡುಗಡೆಯಾಗುತ್ತಿರುವ ಈ ಸಂದರ್ಭದಲ್ಲಿ ಹೊಸಬರು ಸಿನಿಮಾಗಳನ್ನು ಬಿಡುಗಡೆ ಮಾಡುವುದೇ ಕಷ್ಟ. ಈ ಪೈಪೋಟಿಗಳ ಮಧ್ಯೆಯೇ ನಮ್ಮ ಸಿನಿಮಾ ಬಿಡುಗಡೆಯಾಗಿತ್ತು. ಒಂದೊಳ್ಳೆ ಕನ್ನಡ ಸಿನಿಮಾ ಮಾಡಿದಾಗ ಯಾವ ಕಾರಣಕ್ಕೂ ಸಿನಿಪ್ರೇಕ್ಷಕರು ಕೈ ಬಿಡುವುದಿಲ್ಲ ಎಂಬುದನ್ನು ನಮ್ಮ ಸಿನಿಮಾದ ಮೂಲಕ ಮತ್ತೂಮ್ಮೆ ಪ್ರೇಕ್ಷಕರು ಸಾಬೀತುಪಡಿಸಿದ್ದಾರೆ’ ಎಂದಿತು ಚಿತ್ರತಂಡ.

ಹಿರಿಯ ನಟ ಅಶೋಕ್‌ ಸಮಾ ರಂಭದಲ್ಲಿ ಮುಖ್ಯ ಅತಿಥಿಯಾಗಿ ಆಗಮಿಸಿ ಚಿತ್ರತಂಡಕ್ಕೆ ಶುಭಕೋರಿದರು. “ಡಿಎಂಸಿ ಪ್ರೊಡಕ್ಷನ್‌’ ಬ್ಯಾನರಿನಲ್ಲಿ ಟಿ. ಎಂ. ಸೋಮರಾಜು ನಟಿಸಿ, ನಿರ್ಮಿಸಿ ರುವ “ಲೇಡಿಸ್‌ ಬಾರ್‌’ ಸಿನಿಮಾಕ್ಕೆ ಮುತ್ತು ಎ. ಎನ್‌ ನಿರ್ದೇಶನ ಮಾಡಿದ್ದಾರೆ. ಹರೀಶ್‌ ರಾಜ್‌, ಕೆಂಪೇ ಗೌಡ, ಮೀನಾಕ್ಷಿ ಮತ್ತಿತರು ಸಿನಿಮಾದ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಸಿನಿಮಾಕ್ಕೆ ಹರ್ಷ ಕೋಗೋಡ್‌ ಸಂಗೀತವಿದ್ದು, ವೀನಸ್‌ ಮೂರ್ತಿ ಛಾಯಾಗ್ರಹಣವಿದೆ. “ಲೇಡಿಸ್‌ ಬಾರ್‌’ ಚಿತ್ರದ 25ನೇ ದಿನದ ಸಂಭ್ರಮದ ವೇಳೆ ಚಿತ್ರದ ಯಶಸ್ಸಿಗಾಗಿ ದುಡಿದ ತಂಡದ ಕಲಾವಿದರು ಮತ್ತು ತಂತ್ರಜ್ಞರಿಗೆ ಸ್ಮರಣಿಕೆ ನೀಡಿ ಗೌರವಿಸಲಾಯಿತು.