ಕನ್ನಡದಲ್ಲಿ ಮಾತನಾಡಿದ ಲಡಾಕ್‌ ಸಂಸದ

ನವದೆಹಲಿ: ಲಡಾಕ್‌ ಸಂಸದ, ಲಡಾಕ್‌ ಬಿಜೆಪಿ ಜಿಲ್ಲಾಧ್ಯಕ್ಷ ಜಾಮ್ಯಾಂಗ್‌ ತ್ಸೆರಿಂಗ್‌ ನ್ಮಗ್ಯಾಲ್‌ ಕನ್ನಡ ಕಲಿಯುವ ಪ್ರಯತ್ನ ಮಾಡಿದ್ದಾರೆ. ಈ ಬಗ್ಗೆ ಅವರು ಟ್ವೀಟ್‌ ಮಾಡಿದ್ದಾರೆ. ಬಿಜೆಪಿ ಸಂಸದರಾದ ಪ್ರತಾಪ್‌ ಸಿಂಹ, ತೇಜಸ್ವಿ ಸೂರ್ಯ ಮತ್ತು ಕಾಂಗ್ರೆಸ್‌ ಸಂಸದ ಡಿ.ಕೆ.ಸುರೇಶ್‌ ಜೊತೆ ಸೆಲ್ಫಿ ತೆಗೆದು ಕೊಂಡು ಪೋಸ್ಟ್‌ ಮಾಡಿದ್ದಾರೆ.

ಜೊತೆಗೆ, ತಾವು ಕನ್ನಡದಲ್ಲಿ ಮಾತನಾಡಿದ್ದನ್ನೂ ಹಂಚಿಕೊಂಡಿದ್ದಾರೆ. ಬಿಜೆಪಿ ಸಂಸದ ರಾದ ಅವರು, ನನಗೆ ಈ ಮೂವರು ಕನ್ನಡಿಗರು ಕನ್ನಡ ಕಲಿಸಲು ಪ್ರಯತ್ನಿಸುತ್ತಿದ್ದರು. ನಾನು ಡಿ.ಕೆ.ಸುರೇಶ್‌ಗೆ “ಬಿಜೆಪಿ ಸೇರ್ಕೊಳಿ’ ಎಂದು ಹೇಳಿದೆ. ಪ್ರತಾಪ್‌ ಸಿಂಹ ಮತ್ತು ತೇಜಸ್ವಿ ಸೂರ್ಯ ಜೊತೆ ಉತ್ತಮ ಸಮಯ ಕಳೆದೆ ಎಂದು ಬರೆದುಕೊಂಡಿದ್ದಾರೆ.