Advertisement
ಮೊದಲು ಬ್ಯಾಟಿಂಗ್‌ ಮಾಡಿದ ಡೆಲ್ಲಿ ಡೇರ್‌ ಡೆವಿಲ್ಸ್‌ ಗೌತಮ್‌ ಗಂಭೀರ್‌ (55 ರನ್) ಅರ್ಧಶತಕ ನೆರವಿನಿಂದ 20 ಓವರ್‌ಗೆ 7 ವಿಕೆಟ್‌ಗೆ 166 ರನ್‌ಗಳಿಸಿತು. ಈ ಗುರಿ ಬೆನ್ನಟ್ಟಿದ ಕಿಂಗ್ಸ್ ಇಲೆವೆನ್‌ ಪಂಜಾಬ್ ಆರಂಭದಲ್ಲೇ ಅಬ್ಬರಿಸಿತು. ಕನ್ನಡಿಗ ಜತೆ ಇನಿಂಗ್ಸ್‌ ಆರಂಭಿಸಿದ ಕರುನಾಡ ವೀರ ಕೆ.ಎಲ್‌.ರಾಹುಲ್‌ (51 ರನ್) ಡೆಲ್ಲಿ ಬೌಲರ್‌ಗಳನ್ನು ಮನಬಂದಂತೆ ದಂಡಿಸಿದರು. ಆದರೆ ಈ ಹಂತದಲ್ಲಿ ಮಾಯಾಂಕ್‌ ಅಗರ್ವಾಲ್‌ (7ರನ್) ಔಟಾದರು. ತಂಡದ ಮೊತ್ತ 64 ರನ್ ಆಗಿದ್ದಾಗ ರಾಹುಲ್‌ ವಿಕೆಟ್ ಕಳೆದುಕೊಂಡರು.ಇವರ ಬೆನ್ನಲ್ಲೇ ಯುವರಾಜ್‌ ಸಿಂಗ್ (12ರನ್) ಕೂಡ ಪೆವಿಲಿಯನ್‌ಗೆ ನಡೆದರು. ಆಗ 97 ರನ್ ಆಗಿತ್ತು. ಪಂಜಾಬ್ ಆತಂಕ ಮನೆ ಮಾಡಿತ್ತು.
Related Articles
Advertisement
ಕೆ.ಎಲ್‌.ರಾಹುಲ್‌ ಐಪಿಎಲ್‌ ದಾಖಲೆಪಂಜಾಬ್ ತಂಡದ ಕೆ.ಎಲ್‌.ರಾಹುಲ್‌ 14 ಎಸೆತದಲ್ಲಿ ಅರ್ಧಶತಕ ಸಿಡಿಸಿದರು. ಇದರೊಂದಿಗೆ ಯೂಸುಫ್ ಪಠಾಣ್‌ ಹೆಸರಲ್ಲಿ ದ್ದ ದಾಖಲೆಯನ್ನು ಅಳಿಸಿ ಹಾಕಿದರು. ಕೆಕೆಆರ್‌ನಲ್ಲಿದ್ದ ಯೂಸುಫ್ 2014ರಲ್ಲಿ ಹೈದರಾಬಾದ್‌ ವಿರುದಟಛಿ 15 ಎಸೆತದಲ್ಲಿ ಅರ್ಧಶತಕ ಸಿಡಿಸಿದ್ದರು. ಆರ್‌ಸಿಬಿ ವಿರುದ್ಧ 2017ರಲ್ಲಿ 15 ಎಸೆತದಲ್ಲಿ ಕೆಕೆಆರ್‌ನ ಸುನಿಲ್‌ ನಾರಾಯಣ್‌ ಅರ್ಧಶತಕ ಸಿಡಿಸಿದ್ದನ್ನು ಸ್ಮರಿಸಬಹುದು. ಉಳಿದಂತೆ 2014ರಲ್ಲಿ ಪಂಜಾಬ್ ವಿರುದ್ಧ ಸಿಎಸ್‌ಕೆ ಸುರೇಶ್‌ ರೈನಾ (16 ಎಸೆತ), ಡೆಲ್ಲಿ ವಿರುದಟಛಿ 2007ರಲ್ಲಿ ಡೆಕ್ಕನ್‌ ಚಾರ್ಜರ್ನ ಗಿಲ್‌ಕ್ರಿಸ್ಟ್‌ 17 ಎಸೆತದಲ್ಲಿ ಅರ್ಧಶತಕ ಸಿಡಿಸಿದ್ದರು.