Kundapura: ರಿಕ್ಷಾದಲ್ಲಿ ಬಂದು ಗೋ ಕಳ್ಳತನ

ಕುಂದಾಪುರ: ಗುಲ್ವಾಡಿ ಗ್ರಾಮದ ಸವಿತಾ ಅವರ ಮನೆಯ ದನಗಳನ್ನು ಕಳವುಗೈದ ಕುರಿತು ಪ್ರಕರಣ ದಾಖಲಾಗಿದೆ.

ಮೇಯಲು ಮನೆಯ ಪಕ್ಕದಲ್ಲಿರುವ ಹಾಡಿಗೆ ಬಿಟ್ಟಿದ್ದು ಸೊಪ್ಪು ತರಲು ಹೋಗುತ್ತಿರುವಾಗ ಯಾರೋ 4 ಜನ ಸವಿತಾ ಅವರ ದನವನ್ನು ಎಳೆದು ತಂದು ಕಾಲುಗಳನ್ನು ಕಟ್ಟಿ ಹಿಂಸಾತ್ಮಕವಾಗಿ ರಿಕ್ಷಾಕ್ಕೆ ತುಂಬುತ್ತಿರುವುದು ಕಂಡಿದೆ. ಬೊಬ್ಬೆ ಹಾಕುತ್ತಾ ರಿಕ್ಷಾದ ಬಳಿಗೆ ಓಡಿದಾಗ 4 ಜನರೂ ದನದೊಂದಿಗೆ ರಿಕ್ಷಾದಲ್ಲೇ ಪರಾರಿಯಾಗಿದ್ದಾರೆ.

ರಿಕ್ಷಾದಲ್ಲಿ ದನವನ್ನು ಹಿಂಸಾತ್ಮಕ ರೀತಿಯಲ್ಲಿ ಕೊಂಡೊಯ್ದ ಬಗ್ಗೆ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.