Kundapura ಹಳ್ನಾಡು: ಬಾವಿಗೆ ಬಿದ್ದು ವ್ಯಕ್ತಿ ಸಾವು

ಕುಂದಾಪುರ: ತೋಟದಲ್ಲಿ ಅಡಿಕೆ ಹಾಗೂ ತೆಂಗಿನ ಕಾಯಿ ಹೆಕ್ಕಲೆಂದು ಹೋಗಿದ್ದ ಕಾವ್ರಾಡಿ ಗ್ರಾಮದ ಹಳ್ನಾಡಿನ ನಿವಾಸಿ ಕನಕ ಬಿ. ಹೆಗ್ಡೆ (78) ಅವರು ಆವರಣದಲ್ಲಿರುವ ಬಾವಿಗೆ ಬಿದ್ದು ಸಾವನ್ನಪ್ಪಿದ ಘಟನೆ ಸೆ.11ರಂದು ಬೆಳಗ್ಗೆ 8.30 ರ ಸುಮಾರಿಗೆ ಬೆಳಕಿಗೆ ಬಂದಿದೆ.

ಪುತ್ರ ಬಿ. ಮಂದಾರ್‌ದಾಸ್‌ ಹೆಗ್ಡೆ ನೀಡಿದ ದೂರಿನಂತೆ ಕುಂದಾಪುರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಬೀದಿದೀಪಕ್ಕೆ ಬೊಲೆರೋ ಢಿಕ್ಕಿ
ಕುಂದಾಪುರ: ಬೊಲೆರೋ ವಾಹನ ಬೀದಿ ದೀಪಕ್ಕೆ ಢಿಕ್ಕಿ ಹೊಡೆದ ಘಟನೆ ಉಡುಪಿ – ಕುಂದಾಪುರ ಹೆದ್ದಾರಿಯ ಹಂಗಳೂರು ಬಳಿ ಸೆ.11ರ ಬೆಳಗ್ಗೆ 6.30ರ ಸುಮಾರಿಗೆ ಸಂಭವಿಸಿದ್ದು, ಚಾಲಕ ಯಾಕೂಬ್‌ ಗಾಯಗೊಂಡಿದ್ದಾರೆ.