ಕುಮಾರ್‌ ಸ್ಯಾಡಿಸ್ಟ್‌: ಮಧು ಬಂಗಾರಪ್ಪ

ಶಿವಮೊಗ್ಗ: ಸೋತಿರುವವರ ಮಾತಿಗೆ ಪ್ರತಿಕ್ರಿಯೆ ಕೊಡುವ ಅಗತ್ಯವಿಲ್ಲ. ಅಲ್ಲದೆ ಮನೆತನದ ವಿಷಯಗಳ ಕುರಿತು ಬಹಿರಂಗವಾಗಿ ಮಾತನಾಡುವ ಅವಶ್ಯಕತೆಯೂ ಇಲ್ಲ ಎಂದು ಶಾಸಕ ಮಧು ಬಂಗಾರಪ್ಪ ಹೇಳಿದರು. 

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಅಭಿವೃದ್ಧಿಯೇ ಆಗಿಲ್ಲ ಎಂದು ಇತರರಿಂದ ಹೇಳಿಸಿಕೊಳ್ಳುವ ಅಗತ್ಯವಿಲ್ಲ. ಸೊರಬ ಕ್ಷೇತ್ರದಲ್ಲಿ ಏನು ಅಭಿವೃದ್ಧಿಯಾಗಿದೆ ಎಂದು ಜನರಿಗೆ ಗೊತ್ತಿದೆ. ಜನ ಚುನಾವಣೆಯಲ್ಲಿ ಉತ್ತರ ನೀಡುತ್ತಾರೆ ಎಂದರು. 

ರಾಜ್‌ ಕುಟುಂಬ ಬಂಗಾರಪ್ಪನವರ ಕುಟುಂಬ ಸೇರಿಸಲು ಪ್ರಯತ್ನಿಸಿದರೆ ಮಧು ಅಡ್ಡಗಾಲು ಹಾಕುತ್ತಿದ್ದಾನೆಂಬ ಕುಮಾರ್‌ ಆರೋಪಕ್ಕೆ ಪ್ರತಿಕ್ರಿಯಿಸಿ, ಅವರ ಬಗ್ಗೆ ನಾನು ಮಾತನಾಡಲು ಸಿದ್ಧನಿಲ್ಲ. ಅಮಾವಾಸ್ಯೆ ಬಂದಾಗ ಕೆಲವರಿಗೆ ತಲೆ ಕೆಡುತ್ತದಂತೆ. ಹಾಗೆಯೇ ಇವರು ಕೂಡ ಒಂದು ರೀತಿಯಲ್ಲಿ ಸ್ಯಾಡಿಸ್ಟ್‌ ಎಂದು ಹರಿಹಾಯ್ದರು. ರಾಜ್‌ಕುಮಾರ್‌ ಕುಟುಂಬದ ಕುರಿತು ಮಾತನಾಡಲು ಅವರು ಯಾರಿಗೂ ಪರವಾನಗಿ ನೀಡಿಲ್ಲ. ನಾವ್ಯಾರೂ ಸ್ಫೋಕ್ಸ್‌ ಪರ್ಸನ್‌ ಅಲ್ಲ. ಆ ಕುಟುಂಬದ ಕುರಿತು ಯಾರೂ ಮಾತನಾಡಬಾರದು ಎಂದರು.