Advertisement
ಈ ಯಂತ್ರದಲ್ಲಿ ಒಮ್ಮೆಗೆ 100 ಪ್ಯಾಡ್‌ಗಳನ್ನು ಇರಿಸಬಹುದಾಗಿದೆ. ಹೌಸ್‌ ಕೀಪಿಂಗ್‌ನವರಲ್ಲಿ ದಾಸ್ತಾನು ಇದ್ದು, ಯಂತ್ರದಲ್ಲಿ ಖಾಲಿಯಾದಾಗ ತುಂಬಿಸುತ್ತಾರೆ. ಕಾಯಿನ್‌ ಹಾಕಿದರೆ ನ್ಯಾಪ್‌ಕಿನ್‌ ನ್ಯಾಪ್‌ಕಿನ್‌ ಪಡೆಯಲು ಮತ್ತು ಬಳಸಿದ ನ್ಯಾಪ್‌ಕಿನ್‌ ಸುಡಲು ಸೇರಿ ಒಟ್ಟು 2 ಯಂತ್ರಗಳಿವೆ. 5 ರೂ. ನಾಣ್ಯ ಹಾಕಿ ನ್ಯಾಪ್‌ಕಿನ್‌ ಪಡೆಯಬೇಕು. ನಾಣ್ಯ ಹೇಗೆ ಹಾಕಬೇಕು, ಯಂತ್ರದ ಬಳಕೆ ಹೇಗೆ ಎಂಬ ಬಗ್ಗೆ ಅಲ್ಲೇ ಮಾಹಿತಿ ಇದೆ. ಹೆಚ್ಚಿನ ಮಾಹಿತಿಯನ್ನು ಹೌಸ್‌ಕೀಪಿಂಗ್‌ ಸಿಬಂದಿಯಿಂದ ಪಡೆಯಬಹುದು.
ಮೊದಲ ಹಂತದಲ್ಲಿ ಬೆಂಗಳೂರಿನ ಕೆಂಪೇಗೌಡ ಬಸ್‌ ನಿಲ್ದಾಣದ 2 ಡಿಪೋಗಳಲ್ಲಿ ಅಳವಡಿಸಲಾಗಿತ್ತು. ಎರಡನೇ ಹಂತದಲ್ಲಿ ಬೆಂಗಳೂರಿನ ಶಾಂತಿನಗರ ಡಿಪೋ, ಮೈಸೂರು ರಸ್ತೆಯ ಸ್ಯಾಟ್‌ಲೆçಟ್‌ ಬಸ್‌ ನಿಲ್ದಾಣ, ದಾವಣಗೆರೆ, ಮೈಸೂರು, ಮಂಗಳೂರು, ಹಾಸನ, ಚಿತ್ರದುರ್ಗ, ಶಿವಮೊಗ್ಗ ಸೇರಿದಂತೆ 10 ನಿಲ್ದಾಣಗಳಲ್ಲಿ ಅಳವಡಿಸಲಾಗಿದೆ. ತಾಲೂಕು ಮಟ್ಟಕ್ಕೂ ವಿಸ್ತರಿಸಲು ಚಿಂತನೆ
ಈ ಕ್ರಮಕ್ಕೆ ಮಹಿಳಾ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗುತ್ತಿದೆ. ಮುಂದಿನ ದಿನಗಳಲ್ಲಿ ತಾಲೂಕು ಮಟ್ಟದ ಬಸ್‌ ನಿಲ್ದಾಣದಲ್ಲೂ ಈ ಯಂತ್ರ ಅಳವಡಿಸುವ ಯೋಚನೆ ಇದೆ.
– ಶಿವಯೋಗಿ ಎಸ್‌. ಕಳಸದ್‌, ಕೆಎಸ್ಸಾರ್ಟಿಸಿ ವ್ಯವಸ್ಥಾಪಕ ನಿರ್ದೇಶಕ