ಕೆಆರ್‌ಎಸ್‌: ನಿಗೂಢ ಶಬ್ದ

ಮಂಡ್ಯ: ಕೃಷ್ಣರಾಜಸಾಗರ ಜಲಾಶಯದ ಬಳಿ ನಿಗೂಢ ಶಬ್ದ ಶುಕ್ರವಾರ ಕೇಳಿ ಬಂದಿದೆ. ಆರರಿಂದ ಏಳು ಬಾರಿ ಸರಣಿ ಶಬ್ದಗಳು ಕೇಳಿ ಬಂದಿದ್ದು, ನೀರಾವರಿ ಇಲಾಖೆಯ ಅಧಿಕಾರಿಗಳು ಹಾಗೂ ಸುತ್ತಮುತ್ತಲಿನ ಜನರಲ್ಲಿ ಆತಂಕ ಹುಟ್ಟಿಸಿದೆ.

ಶುಕ್ರವಾರ ಸಂಜೆ 7.30ರ ಸಮಯದಲ್ಲಿ 6 ರಿಂದ 7 ಬಾರಿ ಸರಣಿಯಾಗಿ ಶಬ್ದ ಕೇಳಿ ಬಂದಿವೆ. ಭೂಕಂಪನದ ಅನುಭವವಾದಂತೆ ಜನರು ಬೆಚ್ಚಿ ಬಿದ್ದರು. 15 ದಿನಗಳ ಹಿಂದೆಯೂ ಇದೇ ರೀತಿ ಶಬ್ದಗಳು ಅಣೆಕಟ್ಟೆ ಬಳಿ ಕೇಳಿ ಬಂದಿದ್ದವು. ಎರಡು ವರ್ಷಗಳಿಂದ ನಿಗೂಢ ಶಬ್ದಗಳು ನಿರಂತರವಾಗಿ ಅಣೆಕಟ್ಟೆ ಸಮೀಪದಲ್ಲೇ ಕೇಳಿ ಬರುತ್ತಿವೆ.