ನಂತರ “ಅತಿಥಿ ಇನ್‌ ಲಂಡನ್‌’ ಎಂಬ ಚಿತ್ರದಲ್ಲಿ ನಟಿಸುತ್ತಿರುವುದು ಸುದ್ದಿಯಾಗಿತ್ತು. ಈ ಮಧ್ಯೆ, ಕೃತಿ ಸದ್ದಿಲ್ಲದೆ ಇನ್ನೂ ಒಂದು ಹೊಸ ಚಿತ್ರವನ್ನು ಒಪ್ಪಿಕೊಂಡಿದ್ದಾರೆ ಮತ್ತು ಈಗಾಗಲೇ ಅಲಹಾಬಾದ್‌ ಮತ್ತು ಲಕ್ನೋದಲ್ಲಿ ಆ ಚಿತ್ರದ 45 ದಿನಗಳ ಚಿತ್ರೀಕರಣ ಸಹ ಮುಗಿದಿದೆ.
Advertisement
ಅಂದಹಾಗೆ, ಕೃತಿ ನಟಿಸುತ್ತಿರುವ ಹೊಸ ಚಿತ್ರದ ಹೆಸರು “ಶಾದಿ ಮೇ ಜರೂರ್‌ ಆನಾ’ ಎಂದು. ಅಂದರೆ, ಮದುವೆಗೆ ಖಂಡಿತಾ ಬನ್ನಿ ಎಂದರ್ಥ. ಈ ಚಿತ್ರದಲ್ಲಿ ರಾಜಕುಮಾರ್‌ ರಾವ್‌ ಹೀರೋ ಆದರೆ, ಕೃತಿ ಖರಬಂದಾ ನಾಯಕಿ. ರತ್ನ ಸಿನ್ಹಾ ಎನ್ನುವವರು ನಿರ್ದೇಶಿಸುತ್ತಿರುವ ಈ ಚಿತ್ರವನ್ನು ವಿನೋದ್‌ ಬಚ್ಚನ್‌ ನಿರ್ಮಿಸುತ್ತಿದ್ದಾರೆ ಮತ್ತು ಕಮಲ್‌ ಪಾಂಡೆ ಚಿತ್ರಕ್ಕೆ ಕಥೆ ಬರೆದಿದ್ದಾರೆ. ಈ ಚಿತ್ರದಲ್ಲಿ ಕೃತಿ ಆರತಿ ಶುಕ್ಲಾ ಎಂಬ ಪಿಸಿಎಸ್‌ ಅಧಿಕಾರಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.