ಕೃಷ್ಣಾ ನದಿ ತೆಪ್ಪ ದುರಂತ: ನಾಪತ್ತೆಯಾಗಿದ್ದ ಇಬ್ಬರು ಮೀನುಗಾರರು ಶವವಾಗಿ ಪತ್ತೆ

ವಿಜಯಪುರ: ಜಿಲ್ಲೆಯ ಕೊಲ್ಹಾರ ಬಳಿಯ ಕೃಷ್ಣಾ ನದಿಯಲ್ಲಿ ತೆಪ್ಪ ಮುಳುಗಿ ನಾಪತ್ತೆಯಾಗಿದ್ದ ಇಬ್ಬರು ಮೀನುಗಾರರ ಸಹೋದರರು ಗುರುವಾರ ಶವವಾಗಿ ಪತ್ತೆಯಾಗಿದ್ದಾರೆ.

ಮಂಗಳವಾರ ಸಂಜೆ ಬಿರುಗಾಳಿ ಬೀಸಿದ್ದರಿಂದ ಕೃಷ್ಣಾ ನದಿಯಲ್ಲಿ ಮೀನುಗಾರಿಕೆಯಲ್ಲಿ ತೊಡಗಿದ್ದ ತೆಪ್ಪ ನದಿನೀರಲ್ಲಿ ಮಗುಚಿ ಬಿದ್ದಿತ್ತು. ಇದೀಗ ಈ ದುರಂತದಲ್ಲಿ ನಾಪತ್ತೆಯಾಗಿದ್ದ ಅಣ್ಣ-ತಮ್ಮ ಶವವಾಗಿ ಪತ್ತೆಯಾಗಿದ್ದಾರೆ.

ತೆಪ್ಪದಲ್ಲಿ ಮೀನುಗಾರಿಕೆಗೆ ತೆರಳಿದ್ದ ಬಳೂತಿ ಗ್ರಾಮದ ಮಳಿಯಪ್ಪ ದಳವಾಯಿ ಇವರ ಪುತ್ರರಾದ 24 ವರ್ಷದ ಬಸವರಾಜ, 20 ವರ್ಷದ ಅಜಿತ್ ಮೃತಪಟ್ಟವರು.

ಇದನ್ನೂ ಓದಿ:ಮುಸುಂಬಿ ಕೃಷಿಯಲ್ಲಿ ಯಶಸ್ಸು ಕಂಡ ಕುಷ್ಟಗಿಯ ಪ್ರಗತಿಪರ ರೈತ: ವಿದೇಶಕ್ಕೂ ರಫ್ತಾಗುತ್ತಿದೆಯಂತೆ

ಅಗ್ನಿಶಾಮಕ ದಳ ಹಾಗೂ ಸ್ಥಳೀಯ ಮೀನುಗಾರರ ಸಹಾಯದಿಂದ ನಿರಂತರ ಶೋಧದ ಬಳಿಕ ಇಬ್ಬರು ಸಹೋದರರ ಶವಗಳು ಕೃಷ್ಣಾ ನದಿಯ ಬಳೂತಿ ಜಾಕ್ ವೆಲ್ ಬಳಿ ಪತ್ತೆಯಾಗಿವೆ.