ಕೆಪಿಎಲ್‌: ಬಳ್ಳಾರಿಗೆ ರೋಚಕ ಗೆಲುವು

ಬೆಂಗಳೂರು: ಕೆಪಿಎಲ್‌ ಟಿ20 ಕ್ರಿಕೆಟ್‌ ಕೂಟದ ಸೋಮವಾರದ ಪಂದ್ಯದಲ್ಲಿ ಬಳ್ಳಾರಿ ಟಸ್ಕರ್ ತಂಡ ಹುಬ್ಬಳ್ಳಿ ಟೈಗರ್ ವಿರುದ್ಧ 9 ರನ್‌ ರೋಚಕ ಗೆಲುವು ಸಾಧಿಸಿದೆ. ಇದು ಬಳ್ಳಾರಿಗೆ ಒಲಿದ ಸತತ 2ನೇ ಜಯವಾದರೆ, ಹುಬ್ಬಳ್ಳಿಗೆ ಎದುರಾದ 2ನೇ ಸೋಲು.

ಮೊದಲು ಬ್ಯಾಟಿಂಗ್‌ ನಡೆಸಿದ ಬಳ್ಳಾರಿ ದೇವದತ್‌ ಪಡೀಕ್ಕಲ್‌ (70) ಅವರ ಅರ್ಧ ಶತಕ ನೆರವಿನಿಂದ 8 ವಿಕೆಟಿಗೆ 163 ರನ್‌ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಹುಬ್ಬಳ್ಳಿ ಟೈಗರ್ ಅಜಿತ್‌ ಕಾರ್ತಿಕ್‌ (19ಕ್ಕೆ 3), ಅಬ್ರಾರ್‌ ಖಾಜಿ (17ಕ್ಕೆ 2) ದಾಳಿಗೆ ಸಿಲುಕಿ 9 ವಿಕೆಟಿಗೆ 154 ರನ್‌ ಗಳಿಸಿ ಸಣ್ಣ ಅಂತರದ ಸೋಲು ಒಪ್ಪಿಕೊಂಡಿತು.

ಪಡೀಕ್ಕಲ್‌ ಅವರ 56 ಎಸೆತಗಳ ಇನ್ನಿಂಗ್ಸ್‌ನಲ್ಲಿ 4 ಬೌಂಡರಿ, 3 ಭರ್ಜರಿ ಸಿಕ್ಸರ್‌ ಒಳಗೊಂಡಿತ್ತು.

ಸಂಕ್ಷಿಪ್ತ ಸ್ಕೋರ್‌
ಬಳ್ಳಾರಿ ಟಸ್ಕರ್-8 ವಿಕೆಟಿಗೆ 163 (ಪಡೀಕ್ಕಲ್‌ 70, ಜೀಶನ್‌ ಅಲಿ 25, ಅಭಿಷೇಕ್‌ ರೆಡ್ಡಿ 24, ಮಿತ್ರಕಾಂತ್‌ ಯಾದವ್‌ 6ಕ್ಕೆ 2, ಆದಿತ್ಯ ಸೋಮಣ್ಣ 28ಕ್ಕೆ 2, ಡೇವಿಡ್‌ ಮಥಾಯಿಸ್‌ 35ಕ್ಕೆ 2). ಹುಬ್ಬಳ್ಳಿ ಟೈಗರ್-9 ವಿಕೆಟಿಗೆ 154 (ವಿನಯ್‌ ಕುಮಾರ್‌ 37, ಎಂ. ವಿಶ್ವನಾಥನ್‌ 30, ಪ್ರವೀಣ್‌ ದುಬೆ 28, ಅಜಿತ್‌ ಕಾರ್ತಿಕ್‌ 19ಕ್ಕೆ 3, ಅಬ್ರಾರ್‌ ಕಾಜಿ 17ಕ್ಕೆ 2).